Governu Tenke Investe Iha Setor Agrikultura, Hasae Produsaun Kafe

DILI, STLNEWS.co – Setor privadu husu governu investe makas iha setor agrikultura, hodi hasae produsaun kafe iha iha rai laran. Kestaun nee fo sai husi emprezariu lokal, Mario Amaral ba STL liu husi telefone, Kinta nee (13/05/2021).

“Hau hanoin liu husi orsamentu neebe governu iha nee, tenke investe makas iha setor agrikultura, atu nunee bele hasae produsaun aihan nomos produsaun kafe, tanba produtu imprima neebe maka TL halo exportasaun ba rai liur nee maka kafe, sei ita la halo investimentu maka ita nia produsaun kafe kada tinan nia kuantidade kontinua tuan, tan nee halo exportasaun ba rai liur ho kuantidade neebe kiik, tan nee husu governu atu halo jestaun neebe diak ba ita nia kafe,” dehan emprezariu lokal Mario Amaral.

Nia mos afirma liu tan katak, haree ba kondisaun real neebe TL iha, produsaun kafe kada tinan kontinua tun, tan nee halo exportasaun ba rai liur ho kuantidade neebe kiik, kompara ho uluk la hanesan, tanba uluk produsaun sae.

Produsaun kafe tun tanba inpaktu husi kafe nia huun barak maka tuan ona, no kafe nain sira labele tesi tanba kafe oan neebe atu kuda fali ba nee laiha, lolos nee governu tenke apoiu nafatin kafe oan ba povu agrikultur sira atu nunee sira neebe tuan ona nee bele tesi tiha, no kuda fali kafe oan.

Iha parte seluk Xefe Departementu Protesaun Planta, Americo Brito hatutan, distribuisaun kafe oan ba povu agrikultur sira lao hela, maibe dala ruma agrikultur sira la koopera atu tesi kafe sira neebe tuan ona.

“Governu nafatin apoiu kafe oan ba povu agrikultur sira, atu nunee sira bele halo plantasaun ba kafe sira neebe tuan ona, tanba esforsu governu nian maka atu hasae produsaun iha rai laran,” dehan nia.*

Reportajen: Madalena Horta
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: