Governu Xina Apoiu Millaun US$ 8 Ba Timor Leste

DILI, STLNEWS.co – Governu Xina apoiu osan montante millaun US$ 8 ba governu Timor Leste hodi halo konstrusaun no instalasaun ba sistema digital transmisaun multimedia terrestre liu husi Radiu no Televizaun Timor Leste, Empreza Publika (RTTL,E.P.) ba etapa primeiru nia.

Tuir Ministru Asuntu Parlamentar no Komunikasaun Sosial (MAPKOMS), Francisco Martins Jeronimo, tinan oin konstrusaun no instalasaun ba sistema digital transmisaun multimedia terrestre, liu husi Radio no Televizaun Timor-leste, Empreza Publika nee lao hotu ona.

“Tinan oin mai konstrusaun no instalasaun sira lao hotu ona, hela deit sorin balu, maibe lansa foin lalais halo ona iha Loes no agora haree fali sasan sira neebe iha, ami deteta katak too ona tempu atu handover, atu nunee hela ba TL maibe asistensia Governu Xina sei hela nafatin ba ita, tanba ita sei presiza nafatin sira atu fo nafatin asistensia liu-liu formasaun tekniku ba ita nia tekniku sira iha RTTL, nunee bele sustenta programa faze primeiru nee,” dehan Ministru Francisco Martins Jeronimo hafoin serimonia DTMT iha Palasiu governu, Segunda (12/07/2021).

Governante nee garante la iha duvidas hodi komunidade sira asesu ba programa refere tanba buat hotu lao hela.

Koalia kona ba sistema DTMT laos Timor tomak atu asesu hotu kedas maibe faze primeiru nee sei ba deit munisipiu rua, Liquiça no Dili nomos munisipiu balu nia postu mak sei asesu uluk. Maibe munisípiu Dili no Liquiça totalmente asesu purvolta 200 mill i tal habitantes mak asesu ba digital Radio Televisaun Timor-Leste.

Iha fatin hanesan, Embaixador Xina, Dr. Xiao Jianguo afirma, loron ohin nee loron neebe istoriku ba sira tanba sira sai sasin ba serimonia handover DTMT.

“Ohin nee loron neebe importante tebes, loron istoriku ida tanba ita sai sasin ba sermonia handover dijitalizasaun transmisaun multimedia terrestre, neebe mak agora dadaun ita halo nee, parte primeiru nee ofisialmente entrega ona ba governu Timor Leste, entaun nee hanesan etapa ida neebe diak tebes presiza apresia ida nee,” dehan nia.

Nia hatutan, ho plataforma ida nee bele tulun tebes ita nia povu sira iha Dili no Liquiça inklui postu balun.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: