Grupu HEF Halo Deklarasaun Bainhira Hetan Ajuda

BAUCAU, STLNEWS.co – Grupu Haburas Ekonomia ba Futuru (HEF) prontu atu halo deklarasaun ho Ministeiru Agrikultura no Peskas (MAP), bainhira hetan ajuda husi Ministeiru Agrikutura.

Lia hirak nee hato’o husi Xefe Grupu HEF, Satorlino Faria Frates  ba STL, iha toos fatin Daramutu, Suku Gariuai, Postu Administrativu Baucau Vila, Munisipiu Baucau, Segunda nee (23/08/2021).

“MAP mak sei ajuda ami, ami prontu halo deklarasaun ida ho Ministeriu Agrikultura, bele mos halo deklarasaun ida forte liu,” dehan Satorlino.

Nia hatutan, bainhira MAP fo ajuda ona ba grupu nee, grupu nee prontu halo deklarasaun ida neebe mak forte liu husi Xefe Suku nain rua no Xefe Aldeia sira husi suku mak hanesan Suku Gariuai no Triloka, atu nunee loron ruma grupu nee la halo tuir liafuan sira neebe mak promete liu husi deklarasaun ba MAP, sei bazeia ba deklarasaun.

Xefe grupu nee hatete, produtu neebe mak agora populasaun Timor Leste konsumu maioria mai husi rai liu, nunee grupu HEF iha ona hanoin atu investe mos produtu lokal sira, atu nunee bele hamenus oituan importasaun husi rai liur mai Timor Leste.

Maske grupu nee kiik, maibe prontu atu kompete ho nasaun seluk nia produtu, tanba nasaun sira neebe mak haruka nia produtu faan iha Timor Leste domina ho kimika, maibe produtu neebe mak iha TL hanesan produtu neebe mak menus husi kimika.

Nia afirma, dadaun populasaun iha TL maioria mak depende hodi konsumu produtu sira husi nasaun seluk, nunee MAP tenke tau matan ba to’os nain sira, tanba to’os nain sira mak ema neebe prontu atu kompete ho nasaun seluk nia produtu, neebe mak dadaun namkari iha Timor laran.

Atu kompete laos atu liu fali ema nia nasaun, tanba komprende mos nasaun TL foin mak hamriik, nunee lao nei – neik akompana ho nasaun seluk nia produtu, bainhira to’os nain sira komprende diak ona, MAP tenke fo ajuda, nunee hamenus produtu seluk tama iha TL.

Iha fatin hanesan, koordenadora ba grupu HEF, Elda da Costa hatete, objetivu hamos to’os hektares haat nee atu promove produtu lokal sira, hodi kompete produtu lokal sira ho produtu husi nasaun seluk.

Nia hatutan, maske produtu sira neebe mak atu kuda iha to’os nee husi munisipiu seluk kuda ona, maibe husi grupu nee mos hakarak atu promove duni produtu hirak nee iha Munisipiu Baucau.

Total membru neebe mak eziste iha grupu HEF, mane no feto hamutuk nain rua nulu (20) husi Suku Gariuai no Triloka.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: