Hadia Irigasaun Iha Laga Hasae Produsaun Agrikula

DILI, STLNEWS.co – Atu hasae produsaun agrikula iha rai laran mak governu tenke hadia irigasaun iha Laga, tanba povu iha Laga maioria moris hanesan agrikultura, sira prontu atu okupa rai mamuk hodi halo natar, maibe bee laiha tanba irigasaun neebe aat too agora governu seidauk hadia.

Kestaun nee hatoo husi reprezentante povu iha uma fukun Parlamentu Nasional, Deputada Gabriela Alves, liu husi sesaun Plenaria Segunda (18/10/2021) iha Parlamentu Nasional.

“Autoridade lokal sira preokupa, tanba haree ba povu agrikultor iha Laga badinas tebes atu hasae produsaun, maibe problema neebe sira hasoru mak fornesementu bee ba natar ladun diak, tanba irigasaun neebe eziste iha Laga lafunsiona ona ho diak, tan nee husu ba governu atu toma atensaun lalais,” dehan Deputada Bankada FRETILIN nee.

Nia mos afirma liu tan katak, natar hektares ba hektares mak oras nee agrikultor sira abandona hela tanba bee laiha, tanba nee husu governu tenke hadia lalais irigasaun ho nunee bele fasilita agrikultor sira nia servisu, hodi hasae produsaun rai laran, redus importasaun husi liur.

Iha fatin hanesan Deputada Fernanda Lay hatutan, irigasaun barak mak aat desde inundasaun too agora seidauk hadia, oinsa atu koalia konaba hasae produsaun rai laran, tanba irigasaun neebe aat governu la fo importansia.

“Triste tebes nain hira ita koalia atu hasae produsaun rai laran, no redus importasaun rai liur, maibe realidade saida mak governu halo, irigasaun too agora seidauk hadia, osan aprovadu hotu ona maibe la ezekuta, hotu hotu okupadu ba halo kampana vasinasaun deit, no husik hela sira nia servisu,” dehan Deputada nee.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...