Halo Negosiu Lauza Maskra

Maski governu implementa ona serka sanitaria iha kapital Dili, maibe negosianta sira neebe halao negosiu iha area Perumnas, Bairru Pite, lauza maskra. (Foto: Espesial)

DILI, STLNEWS.co – Maski governu implementa ona serka sanitaria iha kapital Dili, maibe negosianta sira neebe halao negosiu iha area Perumnas, Bairru Pite, lauza maskra.

Tuir observasaun STL iha terenu Kuarta nee katak, bainhira kazu pozitivu mosu iha area Tasi-tolu, governu liu husi runiaun Konsellu Ministru, desidi hodi aplika serka sanitaria iha kapital Dili, hahu iha loron 9 too loron 15, maibe atividades negosiu komunidade sira nian inklui loja no kios iha area Bairru-Pite kontinua lao hanesan bai-bain.

Governu aplika serka sanitaria iha kapital Dili, durante loron hitu nia laran, relasiona ho kazu pozitivu rua iha area Tasi-tolu, ho ida nee ohin loron daruak ba implementasaun serka sanitaria iha kapital Dili, maibe atividades negosiu kontinua lao normal, maski iha area refere laiha transporte publiku neebe halo sirkulasaun, maibe transporte privadu hanesan motor no kareta nafatin halo sirkulasaun.

Area Perumnas movimentu komunidade sira kontinua lao normal, maibe balun seidauk iha konsiensia, tanba sira la uza maskra, maibe konsumedor mak menus sosa sasan, la hanesan ho loron bai-bain.

Bainhira STL tenta atu dada lia ho negosiante sira, maibe sira lakohi fo komentariu, sira kestiona ona deit ho lockdown nee, sira nia sasan menus, tanba maluk sira husi foho labele lori sasan mai iha kapital Dili.*

Reportajen: Jacinta Sequeira/Blandina Mauno
Editor: Carme Ximenes

LEAVE A REPLY

Please enter your comment!
Please enter your name here