Hamoris Atividade Mediu Pekenas Empreza, Fasilita Funan Kiik

DILI, STLNEWS.co – Atu hamoris atividade mediu pekenas empreza iha rai laran, governu tenke aplika funan kiik ba empreza sira neebe asesu ona kreditu iha banku.

Kestaun nee fo sai husi Diretor Loja Ave Maria, Mateus de Araujo ba STL, Domingu (22/08/2021) liu husi telefone.

“Hau hanoin atu hamoris fali atividade pekenas empreza nian iha ambitu Covid-19 mak, governu tenke koopera ho banku hodi aplika funan kiik ba emprezas sira neebe asesu ona iha krediru hodi halo atividade negosiu iha rai laran, tanba situasaun Covid-19 difikulta ekonomia rai laran sai paradu,” dehan setor privadu nee.

Nia dehan, laos atividade mediu pekenas emprezas deit mak hasoru problema finanseiru, maibe kuaze setor privadu sira mos, tanba Covid-19 ida nee mai halo atividade hotu labele lao diak, ida nee fo impaktu ba rendimentu negosiante kiik sira nian.

Iha parte seluk, Prezidente Kamara Komersiu Industria Timor Leste (CCI-TL – sigla portugues) Oscar Lima hatutan, CCI-TL nafatin halo negosiasaun ho governu nomos banku sira atu estabelese funan kiik ba grupu negosiu kiik sira, tanba haree ba situasun neebe Timor Leste hasoru difisil tebes.

“Ami nafatin halo negosiasaun ho banku sira atu aplika funan kiik ba grupu mediu pekenas empreza, tanba situasaun agora nee susar tebes ba ema hotu atu buka moris, karik banku fo funan neebe boot mak, susar tebes kliente sira atu selu fila banku nia osan iha situasaun agora,” dehan nia.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...