Hasai Osan Asesu Eskola Online

DILI, STLNEWS.co – Ho serka sanitaria no konfinamentu obrigatoriu iha kapital Dili, halo atividades prosesu aprendizajen mos paradu, tanba nee estudante sira tenke hasai osan sosa pulsa, hodi asesu ba eskola online.

Tuir Isabel de Jesus da Costa, hanesan estudante UNTL, Fakuldade Edukasaun afirma, maske estudante sira asesu eskola online, maibe sira sempre hasoru problema,dala ruma jaringan ou telemovel neebe ladun diak, karik iha aula mak jaringan ladun diak, nee sira adia fali orariu ba materia sira nee.

“Dala ruma kalan mos ami nian aula balun kontinua sei iha, tanba jaringan mos ladun diak, nee ami aula fali kalan, depende ba ami nian dosente, defikuldade neebe mak ami infrenta iha eskola online mak hanesan ba osan atu sosa pulsa, depois jaringan, inklui telemovel neebe mak ladun diak, hodi ita atu asesu ba programa ida nee,” dehan Isabel ba STL iha Bairo-Pite, Dili, Sabadu (22/05/2021).

Nia dehan, atu asesu ba eskola online, nee hakarak ka lakohi tenke sosa pulsa para ense iha telemovel, atu nunee bele asesu programa ida nee, problema mak dala ruma jaringan internet nian sai defikulta sira hodi asesu ba iha programa ida nee.

Nunee mos,Olivia Marques, hanesan estudante UNPAZ, Fakuldade Ekonomia dehan, eskola online nee estudantes balun deit mak asesu ba iha programa ida nee, tanba balun laiha pulsa, no balun laiha telemovel neebe kualidade diak atu asesu ba programa ida nee.

“Hau hanoin asesu ba eskola online nee laos estudantes hotu asesu ba programa ida nee, tanba ema balun laiha pulsa, tanba osan laiha atu sosa pulsa oinsa mak ita atu asesu ba iha programa ida nee,” afirma nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: