DILI, STLNEWS.co – Desizaun IX Governu hatun taxa importasaun husi 5% ba 2.5%, maibe tenki kontrola masimu folin merkadu, se lae laiha mudansa.
Lia hirak nee hatoo husi Deputadu Bankada KHUNTO, Luis Roberto katak, hatun taxa husi 5% ba iha 2.5%, nunee mos taxa ba asukaradas sira mos hatun, maibe Timor-Leste impaktu merkadu metan ka ilegal, tanba nee tenki kontrola masimu, i nee mos afeta ba reseitas domestika tun.
“Lei nee bele altera, maibe importante kontrola masimu, tanba lei tributaria halo alterasaun maibe la kontrola masimu, folin sasan sei latun, sa tan merkadu ilegal”, katak Deputadu husi Bankada KHUNTO, Luis Roberto iha debate Orsamentu Retifkativu iha Parlamentu Nasional, Tersa (22/08/2023).
Tuir nia, KHUNTO apoia nafatin ba hatun taxa, maibe kontrola folin merkadu, nunee folin mos faan tuir taxa tun, se lae taxa importasaun tun, laiha kontrola folin merkadu, nafatin laiha mudansa.
Enkuantu, planu atu hadia kresimentu ekonomia rai laran hodi hasae produsaun presiza haree setor agrikultura, nunee hasae produsaun.
Maibe lamenta, haree ba rai sira neebe halo natar ka pontensial ba produsaun haree, daudaun nee ema halo hotu uma, hanesan iha Manatutu no Maliana, ida nee difisil.
(gui)
