Horta: Kompania Labele Halimar Presu Sasan

DILI, STLNEWS.co – Governu tenke kontrola didiak loja sira neebe mak fan sasan nesesidade bazika, atu nunee sira labele halimar folin bainhira rona governu apoiu osan ba povu sira.

“Hau hanoin atu kontrola diak liu tan presu sasan husi kompania sira neebe faan, ka loke loja sira nee, mak knaar governu nian atu halo dialogu ho kompania sira, atu nunee labele manipula presu sasan iha merkadu, tanba presu nesesidade bazika sae, mak fo impaktu ba povu kiik sira neebe laiha kbiit atu sosa”, kestaun nee fo sai husi eis Prezidente da Republika Jose Ramos Horta ba jornalista liu husi konfrensia imprensa, Kuarta (28/04/2021) iha nia knaar fatin Farol, Dili.

Premiadu Novel da Paz nee husu ba kompania sira labele halimar folin sasan iha merkadu, atu kompania nasional ka internasional hotu-hotu hola parte ba iha nasaun ida nee, tanba nee husu labele halimar presu sasan.

Iha parte seluk reprezentante povu iha uma fukun Parlamentu Nasional, Deputadu Antonio da Conceição hatutan, iha situasaun ida agora governu tenke halo kontrola ho masimu, selae mak kompania distributor sira bele halimar folin sasan iha merkadu.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: