IADE Fo Formasaun Ba Emprezariu

Diretor Ezekutivu IADE, Filomeno Marcelino Belo. (Foto: STL/Jacinta Sequeira)

DILI, STLNEWS.co – Iha fulan Janeiru mai too Dezembru 2020, Instituto de Apoiu Dezenvolvimentu Emprezarial (IADE), kontinua fo formasaun ba emprezariu feto ho mane.

Diretor Ezekutivu IADE, Filomeno Marcelino Belo hatete, hahu iha fulan Janeiro mai too iha inisiu fulan Dezembru tinan 2020, formasaun ba emprezariu sira 368 (36%feto), neebe tuir ona formasaun husi parte IADE.

Tipu programa formasaun JFL, BIN, HIN kontabilidade, komersializasaun, kontraktor modulo jestaun de negosiu, implementa iha Dili, Covalima, Bobonaro, servisu hamutuk ho ajensia ILO A/A, halo ona A/A ba klientes emprezarius neebe tuir ona formasaun KIN, HIN iha tinan 2019 hamutuk klientes nain 59 (80% feto).

“Total formasaun husi Janeiru too Dezembru 2020, empreza rejistradu 257, formasaun 484, turma 32, total 773, busness counse /AA 64 empresas, empreza rejistu feto 103, mane 154, formasaun feto 170 no mane 314,” dehan Filomeno ba jornalista, iha nia knar fatin IADE Mandarin Dili Kinta (03/12/2020).

Nia hatutan realizasaun peskiza merkadu, halo ona peskiza merkadu ba produtu vanila ba produtores sira hamutuk ema nain 16 (48%feto) iha Munisipiu Ermera, rezultadu peskiza nee atu buka hatene konaba kualidade produtu nee rasik, folin neebe kolektor sira sosa husi agrikultor sira,mekanizmu distribuisaun husi agrikultor sira ba too kolektor.

Monitorizasaun ba kliente sira,halo monitorizasaun ba klientes nain 45 (36%feto)neebe mak hetan ona apoiu marketing plus husi IADE hanesan, restorante iha Aileu, Ermera, hotel iha Ainaro. Tipu apoiu mak produs plaka negosiu, business no produs menu hahan.

Filomeno afirma apoiu inkubasaun negosiu FIN, halo ona asesmentu ba emprezariu potensial nain 3 ba produtus hanesan hakiak fahi iha Liquica, hakiak ikan nila iha Manatuto, hakiak rambutan iha Liquica, atu hetan apoiu fundus ou ekipamentus iha tinan 2021.

Levantamentu impaktu,halo ona levantamentu impaktu ba kliente sira neebe hetan ona formasaun no hetan apoiu KPNI iha tinan 2019 nian hamutuk ema nain 47 (75% feto), iha Liquica, Lautem, Ermera, Viqueque, Baucau, rezultadu levantamentu impaktu sei hatoo depois finaliza relatoriu.*

Reportajen: Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here