Impaktu Covid-19 Iha Setor Agrikultura & Edukasaun

DILI, STLNEWS.co – Forum ONG Timor-Leste (FONGTIL) halao dialogu, kona ba impkatu Covid-19 ba setor agrikultura no edukasaun.

Tuir Diretor ezekutivu FONGTIL, Daniel Santos do Carmo katak, objetivu husi atividade nee, FONGTIL realize dialogu ida kona ba impkatu Covid-19 ba setor agrikultura no edukasaun.

“Ita halo dialogu ida entre sosiedade ho governu liu liu atu aprezenta dadus deskobrimentu relasiona ho impaktu klamidade rua Covid-19 no inundasaun, hodi fo sai nia rezultadu ba publiku konaba riku soin hira maka hetan estragus, no husi rikusoin hirak neebe estrgus nee ita sei aprezenta analiza nee, oinsa maka presiza atu rekopera ida nee ho orsamentu hira,” dehan nia ba jornalista, hafoin remata dialogu, iha Salaun CNE, Colmera, Sesta (28/05/2021).

Nia dehan, dadus hirak nee sei aprezenta ba Primeiru Ministru, no aprezenta mos ba Parlamentu Nasional, atu oinsa maka PN ho Governu bele fokus konsentrasaun atu bele rekopera no normalize ita nia situasaun aktual, no mos oinsa maka atu konsidera iha investimentu ba orsamentu jeral estadu (OJE) iha 2022.

Nia informa, dialogu ida nee laos realize iha loron ida deit, maibe sei regular kada semana iha loron Sesta, sei halao nafatin hodi atualiza ba PM kona ba situasaun atual iha teritoriu nasional, liuliu liga ho problema sosial ekonomia.

FONGTIL husu ba Ministeriu Edukasaun tenke investe 5 ate 23 miloens ba infraestrutura eskolar kada tinan atu nunee bele hadia infraestrutura eskola neebe maka dadaun nee estagus.

Husi setor agrikultura neebe hetan mos estragus maka husi inundasaun foin lalais nee, FONGTIL propoin tuir analiza neebe iha ba tinan 2022 nee governu tenki investe orsamentu ba setor agrikultura nee 10%, atu nunee 10% husi OJE, nunee bele rekopera irigasaun sira neebe hetan estragus boot husi inundasaun.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: