Impase Covid La Influensia Rendimentu Loja Agrikultor

Xefe Departamentu Loja Agrikultur Fatuhada, Ercio Belarmino de Araujo. (Foto: STL/Madalena Horta)

DILI, STLNEWS.co – Maske impase politika neebe lao iha rai laran besik tinan tolu, no moras mundial pandemia surtu Covid-19 neebe mundu hasoru iha Marsu 2020 fo ameasa ba atividade hotu ka rendimentu negosiu sira nian, maibe iha loja agrikultor laiha defikuldade, tanba redimentu naton.

Kestaun nee fo sai husi, Xefe Departamentu Loja Agrikultor Fatuhada, Ercio Belarmino de Araujo ba STL, Sesta (08/01/2021) iha nia knaar fatin Fatuhada.

“Ami nia rendimentu depende ba komprador sira, no iha Covid nee ami nia atividade loja la lao kala semana rua ka tolu, hafoin ida nee ami loke fali too agora, tan nee komprador mai hola, maske la hanesan ho antes covid seidauk tama, maibe rendimentu naton tanba bazeia ba komprador sira,” dehan Xefe Departementu Loja Agrikultor Fatuhada, Ercio Belarmino de Araujo.

Nia mos afirma liu tan katak, durante Covid nee loja barak maka hapara sira nia atividade, tanba deit rendimentu laiha, maibe iha loja agrikultor hasoru duni problema balun, maibe la ameasa atu taka tanba distributor sira hatama produtu mai iha loja agrikultur nee lancar hela.

Reportajen: Madalena Horta/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here