Impase Politika & Covid-19 Ataka Roda Ekonomia

DILI, STLNEWS.co – Governu presiza halo rekuperasaun ekonomia iha Timor Leste, tanba hetan ataka husi impase politika no surtu Covid-19.

Kestaun nee fo sai husi Deputadu Bankada KHUNTO, Antonio Verdial ba STL iha Parlamentu Nasional (PN), Dili, Kuarta (26/05/2021).

“Hau hanoin roda ekonomia iha Timor Leste mate tanba impase politika, estadu emerjensia no agora iha tan konfinamentu obrigatoriu hodi hapara atividade hotu, povu agrikultor labele faan modo iha dalan ninin, tanba deit situasaun estadu emerjensia, serka sanitariu no konfinamentu obrigatoriu neebe hamate roda ekonomia iha Timor Leste,” dehan Deputadu Antonio Verdial.

Nia afirma, atu halo rekoperasaun ba ekonomia rai laran maka tenke kaer lia fuan rua, familiariza no moris hamutuk, loke dalan ba agrikultor sira lori sira nia produtu lokal tama iha merkadu, hodi hetan rendimentu liu husi produtu neebe maka agrikultor sira iha no halo komparasaun, uluk nee bainhira halo viajem ba foho, ema faan modo nakonu iha dalan ninin, maibe agora laiha, tanba estadu emerjensia.

Iha parte seluk Diretor Ezekutivu Luta Hamutuk, Jose Alves da Costa hateten, estabelesementu serka sanitaria implika ba atividade ekonomia rai laran, negosiante sira susar atu faan sasan, maluk sira neebe loron kalan pineira raihenek iha mota laran lakon rendementu, kondutores sira lakon servisu, nee fo ameasas boot ba vida moris sidadaun sira.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: