Inan Faluk Sente Triste Tanba Sasan La Folin

BAUCAU, STLNEWS.co – Inan faluk ida sente triste tebes, tanba sasan neebe nia faan la folin no laiha osan atu sosa hahan iha uma laran.

“Hau nuudar inan faluk ida sente triste, tanba agora estadu emerjensia no ema mos laiha atu sosa sasan mak faan la folin hanesan tempu baibain, maibe hau forte nafatin buka moris ba hau nia oan sira, maske hau kolen, tanba hau nia oan nia eskola no hahan laiha, hau tenke faan tanba sasan atu sosa hahan maibe sasan la folin, oinsa mak bele sosa hahan. Hau lori sasan husi Baguia mai too iha nee faan maibe ema la sosa, laos ema mak lasosa, maibe ema mak la dun iha merkadu,” dehan vendedor Anita da Silva Pinto ba STL iha Merkadu Villa Nova Baucau, Domingu (16/05/2021).

Nia hatutan, momentu estadu seidauk implementa estadu emerjensia no serka sanitaria, sasan neebe mak faan hanesan lakeru mutin, talas, hudi, derok, sabraka, fehuk sira neebe mak faan folin, maibe estadu implementa tiha estadu emerjensia no serka sanitaria vendedor nee la hetan rendimentu diak.

Anita hateten, viajen husi Postu Administrativu Baguia too kapital Baucau selu ba sasan neebe mak tula ho kareta selu $18 too $21 depende fali ba sasan.

Selu kareta ho folin karun mak sasan neebe nia faan lafolin ou ema lasosa, nia parte sente triste tebes, tanba viajen dook, maibe durante seidauk implementa estadu emergensia lori sasan barak selu too $15.

Nia esplika, la problema selu kareta ho folin karun, naran katak too fali villa hodi faan sasan neebe mak lori, no mos laiha problema ba nia naran katak etu bikan ida lalika falta ba nia oan sira iha loron ida kalan nia laran.

Anita husu ba ukun nain loke fila fali dalan atu nunee bele faan sasan ema bele sosa fila fali, atu nunee bele sosa hahan ba nia oan sira no haree nia oan nia eskola.

Tuir observasaun STL iha merkadu Villa Nova Baucau, komunidade barak tebes iha tempo bazar maibe latuir protukolu saude nian, barak mak uza maskra lalos, barak la uza, no laiha distansiamentu sosial. *

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: