DILI, STLNEWS.co – Haree ba dadus husi Institute Nasional Estatistika Timor Leste (INETL) katak, TL iha hetan Deplasaun 0.2% kompara ho fulan kotuk 0.3%.
Tuir Prezidente Institute Nasional Estatistika Timor Leste (INETL), Elias dos Santos Ferreira katak, bainhira INETL fo sai relatoriu ema barak hahu kestiona katak, mina halo inflasun, tan nee atu halo los katak, mina laos laiha, laos mina mak karun, tan nee labele halo analiza fali mina neebe ema faan iha dalan ibun neebe faan loron ida ka rua deit hotu.
“Hau hanoin ita iha inflasaun, depende ba produtu neebe iha, karik ita kontinua depende ba importasaun, pois presu sae iha neeba, maka automatika iha TL mos folin sae, tan nee ita labele kontrola, hanesan fos importasaun folin sae, nee diak bainhira ita nia produtu lokal nee iha, maibe TL depende ba impor maibe produtu lokal mos laiha, susar atu kontrola,” dehan Prezidente Institute Nasional Estatistika Timor Leste (INETL), Elias dos Santos Ferreira ba jornalista Tersa (27/06/2023) iha Menisteriu Finansa.
Nia afirma, oras nee daudaun presu merkadoria lao hela, tanba nee fos uluk ema faan saka ida ho predu US$ 13, maibe agora sae tiha ona ba US$ 16, no iha munisipiu balun fos folin sae makaas, tan nee husu ba AIFAESA atu kontrola mos presu merkadu.
“Ita nia infralasaun anual hahu husi fulan Maiu 2022 too Maiu 2023 nee 7.1%, tanba nee depende ba tempu presu nesesidade tun, no depende ba tempu presu sae, dala ruma ita rasik mos kria inflasaun, tanba ita ba taka malu dudu malu tan sasan, ida nee afeita mos ba inflasaun,” dehan prezidente nee.
(mad)
