INSS Iha Programa 3 Apoiu Salariu

DILI, STLNEWS.co – Institutu Nasional Seguransa Sosial (INSS) iha programa tolu (3), hodi fo apoiu ba traballador sira neebe mak implementa iha tinan 2020.

Kestaun nee hato’o husi Prezidente INSS Longuinhos Armando ba STL, liu husi dada lia iha Studio STL, Kuarta nee (15/09/2021).

“INSS iha programa tolu, premeiru mak apoiu ba estraordinariu ba salariu traballador sira, nee ita implementa iha tinan 2020, depois ida nee institutu nasional mos hetan fiar husi governu atu halao programa ida tan, naran rekuperasaun ekonomia, nee halo hotu ona no osan restu fo fila fali ona. Agora dadaun sei lao hela mak institutu halo knaar ida neebe fo fiar husi governu atu halao programa apoiu nee. Relasiona ho pandemia Covid-19 no programa tolu nee mak agora dadaun lao hela,” dehan nia.

Nia dehan, oras nee dadaun emprezariu barak mak rejistu ona iha seguransa sosial, no governu mos fo oportunidade ba iha traballador sira bele ba rejistu.

“Durante nee, ita nia emprezariu barak mak rejistu ona iha seguransa sosial, no seguransa sosial mos komesa fo oportunidade apoiu husi governu ba traballador sira, no loke ona oportunidade ba ema neebe mak hakarak rasik rejistu iha seguransa sosial, tanba nee mak agora dadaun aleinde ita fo apoiu ba traballador sira, setor empreza sira maibe setor non formal sira mos komesa mai rejistu ona,” dehan nia.

Nia hatutan, agora dadaun kuaze dadus mil trizentu ital fakultativu individual mak ba rezistu ona, inklui mos traballador sira neebe mak servisu iha emprezariu sira. Buat hotu nee komforme ba pedidu sira neebe mak iha, hodi bele transferensia ba sira nia konta bankaria ka kompania, nee defende ba traballador sira.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: