Investe Iha Infraestrutura Fo Servisu Ba Joven

DILI, STLNEWS.co – Atu rekupera ekonomia iha rai laran hodi kria hikas kampu servisu ba Timoroan sira neebe dezempregu, maka governu tenke investe makaas iha setor infraestrutura, tanba nia hanesan save bele fo servisu ba Timoroan barak.

“Durante Covid-19 kompania barak hapara atividade, tanba nee fo impaktu ba traballador sira neebe servisu iha Kompania halo numeru dezempregu aas iha TL, ekonomia hakdasak, no atu rekupera fali maka, dalan diak ba governu tenke investe makaas iha setor infraestrutura, ho nunee bele fo servisu ba Timoroan, bainhira ema hotu servisu dezempregu mos tuun,” kestaun nee fo sai husi Membru Camara Comersiu Industria Munisipiu Ermera, Antonio da Costa ba STL Tersa nee (04/01/2022) liu husi telefone.

Nia katak, atu fo servisu ba Timoroan sira maka governu tenke brani dezenvolve setor infraestrutura, tanba nia mak bele kria kampu servisu ba ema barak, iha nasaun barak hasoru hela Covid-19 maibe ema nia ekonomia ladun monu, tanba atividade emprezarial lao nafatin.

Iha parte seluk, Prezidente Camara Comeriu no Industria Timor Leste (CCI-TL) Oscar Lima hatete, setor neebe atu fo servisu ba ema barak nee maka setor infraestrutura, maibe durante Covid-19 mosu mai to’o agora laiha projetu foun lao iha rai laran, tan nee kompania barak hapara nia traballador tan deit laiha osan atu selu.

“Ami sujere orsamentu tinan 2022 nian tenke investe iha setor infraestrutura, tanba povu barak sei mukit ba estrada susar atu lori produtu ba faan iha merkadu no trabllador barak tenke sofre, tanba kompania sira hapara sira nia atividade, tan nee hahu agora govenru tenke investe hodi rekupera hikas ekonomia no fo servisu ba joven sira,” dehan Oscar Lima.

(mad)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...