Investe Setor Agrikultura, Minimiza Importasaun

DILI, STLNEWS.co – Forum Organizasaun Non Governamental (FONGTIL), husu governu atu investe orsamentu neebe adekuadu ba iha setor agrikultura, hodi minimiza numeru importasaun.

Tuir Koordenador Advokasia FONGTIL, Ivo Colimao hatete, kona ba setor ekonomia haree katak exportasaun nia kualidade no volume nee menus, mais importasaun nee masimu tanba durante nee nafatin simu sasan husi liur.

“Governu mak tenke esforsu hodi neutraliza fila fali setor ekonomia tanba nee mak agora ita husu para parte hotu bele koopera, liu liu iha setor agrikultura, tenke aselera hodi nunee pelumenus ita bele minimiza numeru importasaun, nesesidade bazika hanesan fos ita labele nega, katak agora dadaun ita sei dependensia hela ba sasan importasaun ba iha importa fos,” hatete Ivo ba jornalista sira, Kuarta (02/06/2021).

Nia informa, agora dadaun nee tama ona iha situasaun neebe sasan iha merkadu menus, sasan nia folin sae makas, kapasidade povu atu hola la iha entaun situasaun ida nee prejudika tebes ba setor ekonomia iha Timor nee.

“Tanba nee mak Ministeriu Agrikultura nia halo esforsu masimu, para natar sira neebe uluk la ativu, reativa fila fali entaun ita husu ba governu para investe osan neebe ke masimu ba agrikultura, atu nunee ita bele eleva ona numeru produsaun produtu lokal, liu liu refere ba haree no mos buat sira seluk, ita labele diversifika aihan nee laos deit foos mak sai hahan prinsipal ba ema Timor, mais ba mos ai farina fehuk ita bele diversifika ona buat sira nee,” tenik nia.

Sira mos husu ba governu atu investe nafatin orsamentu neebe mak adekuadu ba iha setor agrikultura no mos ba iha laboratorium, neebe sientifika para bele halo estudu sira neebe mak adekuadu kona ba ai han lokal sira, neebe mak ita bele utiliza ba, ezemplu iha konsumu lokal.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: