Irigasaun Aat, Agrikultor Nia Hare Sai Duut Maran

DILI, STLNEWS.co – Reprezentante povu iha uma Fukun Parlamentu Nasional (PN) husu ba governu atu hadia irigasaun iha Manatuto Vila, irigasuan aat halo povu nia hare sai tiha hanesan duut maran

Kestaun nee hatoo husi Deputadu, Gabriel Soares ba jornalista, iha PN, Dili, Segunda (07/06/2021).

“Povu agrikultur sira iha Manatuto halerik, tanba irigasaun aat hotu, susar atu fornese bee ba agrikultur sira nia natar, tanba nee husu ba governu atu toma atensaun ba povu nia halerik sira nee,” dehan Deputadu Gabriel Soares.

Nia afirma, tanba irigasaun aat halo povu nia haree neebe kuda iha natar laran sai maran hotu hanesan duut maran, tanba nee susar ba povu atu hadia moris, no susar atu rekopera ekononia iha rai laran, sekuandu Governu la hadia irigasaun, tanba povu nian moris depende ba setor agrikultura, povu Manatuto nia natar hektares atu ba atus maka hetan estraga, tanba irigasaun ladiak.

Iha fatin hanesan, Deputadu Mariano Asanami hatutan, governu tenke iha movimentasaun neebe diak ba irigasaun atu nunee bele fasilita bee ba povu agrikultur sira nia natar ho diak.

Nia dehan, irigasaun neebe aat ona nee, governu tenke tau matan hadia lalais, tanba ho Covid -19 neebe laiha rohan, tenke hasae produsaun agrikula iha rai laran.

Nunee mos Diretora Jeral MAP, Maria Odete hatutan irigasaun neebe aat, governu liu liu MAP sei hadia, atu nunee bele fasilita diak liu tan povu agrikultur sira nia natar ho toos.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: