Joao Saldanha: Ekonomia TL Seidauk Rekuperadu

DILI, STLNEWS.co – Ekonomia Timor Leste seidauk iha faze rekuperasaun, tanba atu rekupera tenke sae ba pozitivu, orsamentu fundu mina rai tenke aguenta, no ba oin investimentu tenke sae makaas, no banku tenke redus jurus, parte justisa tenke trata lalais sertifikadu ba rai nian, hodi fasilita investor sira iha tinan 2022, liu husi meus nee ekonomia TL bele rekupera.

Kestaun nee fo sai husi ekonomista joao Saldanha ba STL, Sabadu horiseik (16/09/2021) bainhira partisipa iha inagurasaun edifisi foun Banku Nasional Comersiu Timor Leste (BNCTL) Mandarin, Dili.

“Ekonomia seidauk iha faze rekuperasaun, tuir relatoriu husi banku sentral katak, tinan 2020 ekonomia negativu, no iha 2021 privizaun husi Governador Banku Sentral katak, ekonomia sei negativu, maibe nia modera katak, ekonomia la monu liu hanesan tinan 2020, tan nee tinan 2021 negativu entre 2 ou 3,” dehan ekonomista nee.

Nia afirma liutan, atu rekupera ekonomia TL lao normal fali hanesan uluk, mak investimentu setor privadu tenke diak, despeza estadu tenke dudu lalais, no ezekuta lalais orsamentu estadu ho diak, no osan nee tenke to’o iha povu remotas sira, kria mekanismu neebe diak, hodi dada fali investor privadu, nasional no internasional sira bele mai halo investimentu ho diak, atu nunee bele fo kontribuisaun, hodi hasae moris ekonomia neebe pozitivu, tan nee hein katak tinan oin bele diak liu fali tinan ida nee.

Ekonomista nee hatutan, atu rekupera ekonomia TL, parte ida mak governu tenke investe iha setor manfaktura, setor agrikultura, turismu no domestiku, maibe Serka Sanitaria (SS) no Konfinamentu Obrigatoriu (KO) halo atividade paradu, ida neebe lao nee mak setor agrikultura.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...