Juventude Hatoo Preokupasaun Ba MSSI

DILI, STLNEWS.co – Juventude iha Aldeia Fatumeta, Suku Bairru Pite hatoo sira nia preokupasaun durante sira hasoru iha serka sanitaria no konfinamentu obrigatoriu, ba Ministeriu Solidaridade Sosial no Inkluzaun (MSSI).

Preokupasaun nee hatoo husi Juventude aldeia Fatumeta, Ruben Guteres iha Fatumeta, bainhira Vice MSSI halo vizita ba iha fatin nee, Sabado (22/05/2021).

Nia haktuir, preokupasaun neebe durante serka sanitaria no konfinamentu obrigatoriu, iha aldeia Fatumeta no aldeia 5 de Outobru hasoru maioriamente joven no inan aman neebe mai ho vida negosiante ambulante ida nee iha posibilidade atu hetan subsidiu ka lae, tanba barak liu mak negosiante ambulante, no depois oinsa mak atu hakat too MSSI atu halo seguransa sosial, tanba serka sanitaria.

“Ami iha aldeia ida nee maioria ho vida neebe negosiante ambulante barak liu, bele ka lae MSSI kada fulan suporta ami komunidade sira, tanba negosiu neebe komunidade sira halao rendementu mos tun tanba liga ho situasaun serka sanitaria, entaun oinsa mak sira sustenta sira nia ai han lorloron,” tenik Ruben.

Hatan ba preokupasaun nee Vice MSSI, Signi Verdial, hatete, komunidade sira neebe mak halao negosiu informal nomos hela iha os depois lakon sira nia servisu, bele hakat ba iha MSSI hodi trata seguransa sosial hodi hetan apoiu.

“Prekupasaun kona ba ita nia alin joven nian kona ba seguransa sosial noo negosiu informal sira, ezemplu see mak hela iha koos nia lakon nia servisu ba hatama informasaun nee iha seguransa sosial, tanba seguransa sosial mos selu ema neebe hela iha koos nee, se nia hela iha koos mak nia lakon servisu ema neebe uluk foo servisu ba nia nee tenke halo ho deklarasaun ida,” dehan nia.

Governante nee afirma, apoiu nee ba fulan 3 hahu husi Marsu, Abril, Maiu neebe komunidade sira neebe mak servisu informal hanesan ohin joven dehan nee ba bele ba iha seguransa sosial.

Nia informa liutan, iha apoiu tolu, ida mak sira neebe hela iha kos sei selu rendementu kos nee, kuandu lakon servisu governu sei selu 80% nomos kustu eletrisidade mos governu sei selu, importante aprezenta resivu no halo deklarasaun.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: