Karabau Potensial Ba Produtu Lokal

DILI, STLNEWS.co – Komunidade iha Suku Karabau, Munisipiu Bobonaro potensial tebes ba produtu lokal hanesan kamii, fore rai no modo, maibe agrikultur sira labele lori ba faan iha merkadu, tanba covid impede.

Kestaun nee fo sai husi Xefe Suku Karabau, Manuel Noronha ba STL, Tersa (15/06/2021) iha Colmera, Dili.

“Iha hau nia suku potensial tebes ba produtu lokal, hanesan kamii, modo, fore rai no seluk tan, maibe agrikultur sira labele lori ba merkadu, tanba governu establese hela serka sanitaria, atividade merkadu taka, agrikultur labele lori produtu hirak nee ba merkadu tanba dalan taka. Atu lori ba merkadu Maliana mais sira tauk swab, tama karantina loron 14, tan nee produtu hirak nee kompania balun ba tetu deit iha uma ho folin neebe kiik, maibe agrikultur sira naran faan deit tanba atu hetan netik osan uituan hodi uza durante Covid nee,” dehan nia.

Autoridade lokal nee mos husu ba governu atu hakotu ona serka sanitaria nee, ho nunee povu agrikultur sira bele lori sira nia produtu lokal ba faan iha merkadu hodi sustenta netik povu kiik nia moris, selae maka sira produs tiha modo tahan sira nee labele lori ba faan iha merkadu.

Iha fatin hanesan, Ministru Agrikultura e Peska (MAP) Pedro dos Reis hateten, iha Suku Karabau potensial tebes ba kamii, tanba nee maka MAP konvida Xefe Suku Karabau bele mai partisipa iha lansamentu exportasaun produtu lokal ba rai liur, tanba produtu sira neebe atu halo exportasaun ba rai liur nee, ida maka kamii.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...