KL Hamutuk 1972 Sei Hetan Uma

Ministru Administrasaun Estatal (MAE) sei halo traseferesia osan ba suku sira neebe mak konsege hetan ona husi suku sira iha timor laran tomak kbit laek hamutuk rihun ida atus rua hitu nulu resin rua (1,272). (Foto: MAE)

DILI, STLNEWS.co – Ministru Administrasaun Estatal (MAE) sei halo transferensia osan ba suku sira neebe mak konsege hetan ona husi suku sira iha timor laran tomak, kbit laek hamutuk rihun ida atus rua hitu nulu resin rua (1,272).

Kestaun nee hatoo husi Ministru Administrasaun Estatal (MAE) Miguel Pereira de Carvalho ba jornalista sira iha Palasiu Governu, Kuarta (13/01/2021).

“Barak liu parese Baucau, porke iha numeru suku neebe mak barak, ita ba iha suku ida halo uma tolu, kada suku halo uma tolu entaun komu iha Baucau suku hamutuk lima nulu resin sia barak liu iha Timor Leste tomak, entaun parase ke halo uma barak iha neeba” dehan MAE Miguel Pereira de Carvalho.

MAE hateten iha kriteria neebe mak estabelese ona, ema sira neebe mak vuneravel, no ba ema sira neebe mak kbit laek duni, no ema sira neebe mak kondisaun uma mos aat ou ladiak, no ema sira neebe mak atu halo uma tenke iha ona rai no uma sira nee, sei ba halo iha ida-idak nia hela fatin.

Miguel hateten uma iha modelu rua, ida modelu 38 metru kuadradu no ida seluk 42 metrus kuadradu no modelu 38 metru kuadradu iha kuartu rua no 42 metru kuadradu iha kuartu tolu depende ba benifisiariu sira neebe mak familia boot simu 42 metrus kuadradu no benefisiariu neebe mak familia kiik sei hetan 38 metru kuadradu.

“Nee uma kompletu, uma nee hanesan ita halo ho blok, blok sira neebe mak produs iha rai laran, iha timor taka ho kalen foru i depois mos sementi nee ita la nahee ajulezu maibe nahee deit sementi metan, no mos iha dapur ho iha haris fatin mos, mais dapur haris fatin sei paradu husi uma laran lao hamutuk, mais nia dezenu buat hotu kompletu se ita boot sira bele haree, bele ba hasoru Diretor PNDS (Programa Nasional Dezenvolvimentu Suku), nia mak jere programa ida nee bele husu modelu uma sira nee ate sai ona iha Facebook, imi haree PNDS nia Facebook nee mak iha neeba modelu uma sira kriteria sasan hotu hotu iha laran hotu ona.” dehan Miguel.

Miguel dehan kona ba implementasaun hahu ona, no agora faze hahu atu indentifika se mak sai benefisiariu.

Nia hatutan kestaun dadus estatistika uma aat iha Timor nee barak mais duzentus mil no tinan oin sei halo deit rihun ida atus rua hitu nulu resin rua (1972) sei iha nia dezafiu indefitika benefisiariu sira.

Nuune mos nia hatutan kordenasaun programa governu nian sei halo koordenasaun ho Ministru Soliedaridade Sosial no Inkluzaun, Ministru Saude. Ministru Saude mos iha programa na familia, iha dadus benefisiariu barak no dadus uma sira neebe hare no koordena mos ho Asosiasaun Difisiente sira tamba ema vuneravel sira maioria barak mak difisiente, tamba ema difisiente iha Timor Leste mais de trinta i kuatru mil habitantes.*

Reportajen: Ekipa STL

LEAVE A REPLY

Please enter your comment!
Please enter your name here