KM Aprova Projetu Lei

Ministru Prezidensia Konselu Ministru (MPKM), Fidelis Leite Magalhães. (Foto: MPKM)

DILI, STLNEWS.co – Governu liu husi reuniaun Konsellu Ministrus, aprova ona alterasaun projetu proposta lei, kona ba enkuadramentu Orsamentu Jeral Estadu no Jestaun Finanseira Publika, neebe aprezenta husi Ministru Finansa Rui Augusto Gomes.

Tuir Ministru Prezidensia Konselu Ministru (MPKM), Fidelis Leite Magalhães katak, Konsellu Ministru aprova ona ho alterasaun projetu proposta Lei kona ba enkuadramentu Orsamentu Jeral Estadu no Jestaun Finanseira Publika.

“Projetu proposta lei nee propoin enkuadramentu foun ida ba Orsamentu Jeral Estadu no ba Jestaun Finanseira Publika, hodi substitui Lei nu. 13/2009, husi loron 21 fulan Outubru nian, konaba Orsamentu no Jestaun Finanseira,” dehan Ministru Fidelis, hafoin remata reuniaun KM, iha Palasiu Governu, Dili, Segunda (21/12/2020).

Nia dehan, projetu diploma nee halo alterasaun balun no hadia rejime Orsamentu Jeral Estadu no Jestaun Finanseira Publika nian atu nunee aumenta klareza, estabilidade, fleksibilidade no transparensia.

“Destaka ba alterasaun konaba definisaun kona ba perimetru orsamental, planeamentu ba programasaun orsamental plurianual, adosaun orsamentasaun tuir programa, rejime prorrogasaun lei Orsamentu Jeral Estadu nian, ba rejime ezekusaun duodesimal no ba melloria informasaun orsamental neebe produs.

Fidelis dehan, hafoin governu halo aprovasaun ba lei nee tuir mai sei haruka ba iha Parlamentu Nasional nunee bele inisia prosesu sira nee hodi governu ba hatan iha Parlamentu Nasional.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here