KO Impaktu Ba Komunidade Refujiadu

DILI, STLNEWS.co – Relasiona governu liu husi Konsellu Ministru (KM) reativa hikas Konfinamentu Obrigatoriu (KO) iha Dili inklui munisipiu balun, fo impaktu tebes ba povu kiik nia moris, liu – liu komunidade refujiadu neebe hela iha lona okos.

“Ami komunidade afeitadu hamutuk uma kain 48 mak hela iha kampu refijiadu Suku Manleuana, hahu iha fulan Abril mai to’o ohin, ami sente araska tebes laiha ai han, maibe pasiensia deit, tanba situasaun mak obriga ita,” dehan Visi Koordenador Kampu Refujiadu Suku Manleuana David Pinto ba STL, Tersa (31/08/2021).

Nia dehan, sira komunidade afetadu inundasaun neebe iha fulan abril nee, sira nia uma hetan estraga total no sasan uma laran la salva, neebe sira hela iha nee hodi salva sira nia vida husi dezastre, no komunidade hirak neebe hela iha nee maioria moris vida agrikultura, no servisu suru rai henek iha mota laran mak foin hetan osan, hodi sustenta moris loron – loron nian.

Tanba sira moris depende rai henek ema sosa, sira bele hetan osan no ema la sosa sira la hetan osan, satan konfinamentu sulan iha uma osan laiha hahan laiha. Hanesan povu kiik husu governu atu fo subsidiu ruma hanesan hahan, foos mina, masin ba povu afeitadu neebe hela iha lona okos.

Iha fatin hanesan Xefe Suku Manleuana Jacob Tilman Soares, hato’o preokupasaun, hanesan xefe husu ba governu antes reativa hikas KO fo subsidiu hahan ruma ba povu sira neebe afeita ba inundasaun hela iha lona okos, susar tebes atu hetan osan hodi sustenta ba familia.

Komunidade sira moris terus no laiha aihan, satan KO nee ema hotu sulan iha uma. Komunidade afeita neebe hela hanesan refujiadu nee maioria pineira rai henek iha mota laran, maibe KO sira pineira rai henek se mak atu sosa, nunee sira la hetan osan hodi sosa hahan aguenta iha Serka Sanitaria (SS) nia laran.

Hanesan autoridade lokal husu governu antes reativa hikas KO presiza halo preparasaun diak mak implementa, atu nunee povu kiik labele hakilar hamlaha. Tanba komunidade afeita inundasaun iha fulan hirak liu ba, agora sei nafatin refujiadu, no hela iha lona okos hahan laiha no moris terus.*

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: