KO Impaktu Ba Rendimentu Negosiante

DILI, STLNEWS.co – Konfinamentu Obrigatoriu (KO) iha Munisipiu Dili, impaktu tebes ba iha negosiante kiik nia rendimentu, tanba komprador menus.

Defisiente matan Leonito da Costa Carmonne hatete, konfinamentu obrigatoriu impaktu duni ba rendimentu, tanba movimentu transporte publiku lalao, hakmatek iha uma oinsa ema bele sosa sasan hanesan pulsa, sigaru, lao iha dalan mos dala ruma ladun sosa.

Nia haktuir, governu implementa KO diak, maibe impaktu ba atividade liu – liu ekonomia rai laran, maske defisiente matan, maibe latane liman ba governu, tenke esforsu an luta buka moris.

“Hau triste duni, tanba liu husi negosiu mak bele hetan osan hodi sustenta nesesidade loron – loron nian, maibe KO impaktu tebes ba rendimentu,” preokupasaun nee hato’o husi negosiante Leonito da Costa Carmone ba STL iha Pantai Kelapa, Kuarta nee ( 01/09/2021).

Leonito hatete, loron – loron haleu sidade Dili faan sigaru, pulsa, maske la haree, maibe ba Maromak buat hotu bele, dala ruma ema la sosa, tanba hakmatek iha uma osan laiha, impaktu ba rendimentu menus, maibe lapara iha nee, loron manas kosar suli la sente kolen hodi buka moris.

Entretantu negosiante Obralan, Julia Soares dehan, kareta publiku mos la halai oinsa sira bele ba Manleu faan OB, sei la faan mak osan laiha, oinsa sosa nesesidade uma laran.

“Hau triste governu deside KO, ema boot no funsionariu sira fulan – fulan simu osan nafatin, maibe ami kiik neebe moris ho negsoiu susar tebes bainhira rendimentu laiha,” dehan Julia.

Nia haktuir, osan husi faan OB nee hodi haree nia oan sira eskola nomos sustenta familia, bele hamlaha tan deit KO, sulan demais povu mak sai vitima. Covid-19 ema hotu tauk, maibe governu laiha seriedade ba situasaun ida nee. Tanba la apoiu ba nia povu agora iha situasaun difisil halerik ba osan aihan, keta halo povu terus.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: