KO Implika Ekonomia Povu Kiik

DILI, STLNEWS.co – Governu kontinua estabelese Estadu Emerjensia (EE), Serka Sanitaria (SS) no Konfinamentu Obrigatoriu (KO), iha nasional nomos  munisipiu, hodi fo impaktu ba ekonomia povu kiik nian.

“Hau hanoin governu bele estabelese EE, SS no KO iha Dili laran, nomos munisipiu, maibe tenke kria kondisaun, tanba tinan bai loron ita lao ho EE, SS no KO, maibe povu nafatin sofre, governu sira diak tanba fulan simu osan boot, han hemu la susar, maibe ami povu kiik buka moris mak hodi han hemu, tanba nee husu governu kria kondisaun, se lae povu mak sofre,” dehan negosiante roda tolu, Mario de Jesus ba STL, iha terminal Tasi tolu, Kinta (26/08/2021).

Nia dehan, governu halo regras oin – oin deit, tanba sira la sente problema saida mak povu iha rai ida nee hasoru durante tinan ida resin, regras sira nee atu hamate deit povu kiik nia moris, tanba regras sira nee la fo fatin ba povu atu buka nia moris.

Tuir nia, governu bele halo nia regras loron – loron, maibe kontrola iha fronteira la metin mak hanesan deit, moras sei kontinua tama mai, tanba sira fasilita hela ema tama sai hodi lori moras nee mai, lolos nee governu tenke tau seguransa metin iha fronteira, no husik atividade iha rai laran lao livre, ho nunee fo espasu ba povu hodi buka moris, maibe governu husik fronteira lao livre no sulan fali povu neebe dook husi fronteira nee mak susar nee.

Iha parte seluk, reprezentante povu iha uma fukun Parlamentu Nasional, Deputadu, Francisco Branco hatete, bainhira governu atu estabelese KO iha kapital Dili nomos fronteira, inklui munsipiu sira, mak governu tenke  prepara kondisaun lojistika ba povu molok dekreta medidas KO.*

Reportajen: Madalena Horta

Editor: Ekipa

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: