KO Kompara Ho Tempu Normal, Menus Rendimentu

DILI, STLNEWS.co – Iha Konfinamentu Obrigatoriu (KO) nia laran, kompara ho tempu normal sira sente araska, tanba ema ladun sosa ka ladun pesan rai henek, maibe uluk seidauk Estadu Emerjensia (EE) rendimentu lao diak.

“Ita tama ba KO nee araska, dala ruma laiha no semana ida ka rua foin tula ret ida, neebe laos hau mesak ami hotu – hotu, maibe uluk seidauk tama EE, ema sosa normal oituan, loron ida tula ret ida, neebe ami fahe malu para tula hotu rai henek,” dehan traballador pineira rai henek,  Antonio dos Santos, ba STL, iha mota ulun Manleuana, Tersa (31/08/2021).

Nia hatutan, rai henek nomor 2 folin US$ 10 no nomor 1 folin US$ 15, maibe depende kareta tula rai henek, tanba sira laiha langanan. Uluk seidauk Covid-19 ema husi Munisipiu Aileu, sira mos tun mai sosa iha nee, maibe agora laiha.

Iha EE sira kontinua pineira rai henek, maibe tuir protokolu saude neebe mak fo sai ona husi Ministeriu Saude (MS).

Nia husu ba komunidade sira Covid-19 mosu, ita hotu servisu labele moe, atu mai pineira rai henek bele mai, tanba fatin ida nee husi mota ain to’o ulun laiha bandu no so estadu mak bele bandu.

Iha fatin hanesan traballador pineira rai henek Armindo de Jesus dehan, maske loron – loron sira pineira rai henek, maibe ema ladun sosa tanba governu implementa KO bandu kareta la halai.

Nia akresenta, kriteria rai henek nomor 1 folin US$ 20 no nomor 2 US$ 15, maibe depende kareta neebe manda tuir besi neebe iha. Bainhira tempu udan sira kontinua nafatin pineira, neebe sei biban kareta tula no sei la biban mota tun hodi. Depois sira kontinua nafatin, tanba sira nia servisu mak pineira raihenek. Iha tempu bailoron sira buka maneira seluk hanesan uza aisuak mak kee, tanba rai henek toos.*

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: