DILI, STLNEWS.co – Relasiona ho komemorasaun loron 30 de Agostu, autoridade lokal Suku Madohi hamutuk ho governu, liu-liu Ministeriu Turismu Komersiu no Industria (MTKI) diresaun jeral inspesaun jogu, sei loke feira durante fulan ida iha terminal provizoriu Tasi Tolu.
Atividade feira nee sei lao durante fulan ida nia laran, feira nee sei faan mos produtu lokal no mos jogu bola gulin.
Feira nee sei realiza iha loron 1 fulan Agostu tinan nee, ida nee hanesan parte ida atu anima komunidade, hodi fo espasu ba negosiante roda tolu sira faan sira nia sasan hodi hetan netik rendimentu.
Tuir observasaun STL nian iha trenu haree katak, oras nee daudaun negosinte roda tolu hahu okupa fatin, hodi hein loron neebe determina atu loke feira nee.
Bola gulin sira mos hahu lori sira nia besi rin mai harii ona iha terminal provizoriu Tasi Tolu.
Tuir informasaun neebe STL asesu katak, iha loron 1 fulan Agostu, governu liu husi MTKI hamutuk ho auturidade lokal no mos parte seguransa Polisia Nasional Timor Leste (PNTL), mak sei halo abertura ba feira nee.
(mad)
