Komersiante Halimar Sasan Folin

(Foto: STL/Guilhermina Franco)

DILI, STLNEWS.co – Reprezentante povu iha uma fukun Parlamentu Nasional (PN) husu ba governu atu kontrola presu nesesidade baziku, tanba komersiante balun komesa joga sasan nia folin iha merkadu.

“Ami rona komersiante sira hahu joga ona sasan folin iha merkadu, tanba nee husu ba governu no AIFAESA atu kontrola ho masimu ba iha loja sira nee, ho nunee komersiante sira labele manipula presu nesesidade baziku iha periodu serka sanitaria, selae bele influensia ba povu kiik,” kestaun nee fo sai husi Deputadu Alexandrino Cardoso liu husi sesaun Plenaria, Tersa (16/03/2021) iha PN.

Nia afirma liu tan, governu liu liu AIFAESA tenke tun nafatin ba iha baze hodi kontrola presu nesesidade baziku, se lae fo espasu ba komersiante sira atu halimar presu iha merakdu, tantu iha kapital Dili inklui mos iha munisipiu sira.

Iha fatin hanesan Deputadu Adriano do Nascimento hatutan, kompania sira neebe faan sasan iha balun halimar presu sasan iha merkadu, kompania balun subar sira nia produtu hodi halimar folin ka hasae folin.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here