Komersiu Internasional Ladun Lao

Xefe Bankada PD, Antonio da Conceição. (Foto: Facebook)

DILI, STLNEWS.co – Servisu alfadega lao makaas atu bele hetan reseita ba Kofre estadu, maibe COVID-19 neebe afeta ba mundu tomak, servisu komersiu Internasional ladun lao iha rai laran.

Deputadu Bankada PD, Antonio da Conceição Alias (Kalohan) dehan, relasiona ho pandemia COVID-19, servisu alfadega nian importante tebes atu kontribui ba reseita estadu, maibe servisu alfadega nian liga mos ba servisu sira iha fronteira, espesialmente ho situasaun ida agora.

“Uluk membru governu atakas makas kuandu ro sira la konsege hatun sasan han tempu, neebe problema maka demoreits. “Maibe ohin loron ita la koalia ona demoreits tanba ro atu atraka deit mos laiha, bainhira iha kuandu iha atividades ruma neebe maka lori mai, maibe pratikamente COVID-19 fo tiha ona impaktu ba servisu komersiu internasional ladun lao,” dehan Kalohan liu husi intervensaun iha sala plenaria, Sesta (06/11/2020).

Nia hatutan liga ba projesaun sira hanesan nee Ministeiru Finansa ninia prozesaun rasik bele konvense entermos despeza orsamentu 1.8 nee pur senariu ida neebe pozitivu ba iha 2021, no investimentu real ida neebe maka halo. Tanba haree bain-bain dehan katak, maior depedensia servisu estado para setor privadu kuandu haree fila fali ba ida nee. Kapital dezenvolvimentu sei kiik los tanba iha neebe la kosta novus inisiativas neebe maka divia halo, iha duni novus maibe novus saida ba estradas ka instalasaun maka iha.

Nia relata katak setor privadu nasional barak depedente mos ba servisu publikas, tan nee saida los maka bele haree konkretamente hodi kontribui ba kresimentu ekonomia liu husi OJE 2021.

Linhas ministerial sira hotu koalia bele mai no sira sei mai maibe, prozesaun finansa nian anivel makro iha neebe. Tan nee koalia kona ba atu halo rekuperasaun ekonomia, importante papel empreza publikas balun ladun. Maibe haree CLN Xina governu sira agora apoia hela Ministeiru turismu komersiu industria neebe harii hela establesimentu 2 ida iha Natarbora ho Baucau.

Planu saida atu bele integra ou uza fasilidade neebe maka iha para bele liga ba sira seluk nia hanoin neebe maka, atu halo modernizasaun ba agrikultura ou halo agrikultura nee hanesan kampu traballu, kestiona Kalohan.

Deputadu nee kestiona salariu iha ka lae, karik laiha sei nafatin hanesan nee maske hotu-hotu dehan lamenta osan mina rai nee tenke tun maibe hakarak haree konkretamente deit ideas ruma neebe maka Ministeriu fo entermos prozisoens makros depois liga ba kobransa fo netik espetativa ruma, keta 1.8 nee hanesan hasai depois gasta hotu deit, sei la lori retornu ruma.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here