Kompania Fornesedor Hela Ho Promesa Governu

Foto: STL/Guilhermina Franco

DILI, STLNEWS.co – Pakote rekuperasaun ekonomia neebe lansa ho objektivu atu halo rekuperasaun ba ekonomia la hatudu rezultadu, maibe halo susar liu tan kompania sira neebe ezekuta programa ida nee.

“Ami preokupa tanba too ohin loron kompania barak mak seidauk hetan pagamentu, no governu ida nee promete hela deit dehan aban, maibe aban la realiza muda tan fali ba semana oin, semana ba too fulan, problema sira nee hotu halo emprezariu sira nafatin hela deit ho promesa falsu sira nee, no emprezariu ba deve iha banku no funan kontinua aumenta, maibe too agora governu seidauk selu kompania sira,” dehan Deputadu Leandro Lobato liu husi deklarasaun politika banka CNRT, Tersa (06/04/2021 ) iha PN.

Nia afirma, governu tenke halo pagamentu ona ba kompania distributor programa sesta bazika, tanba kompania sira hahu halerik ona, sira ba kredit banku nia osan kada fulan nia funan kontinua sae, tanba nee governu la halo pagamentu lalais, maa banku nia tusan ba setor privadu sira kontinua lao.

Iha fatina hanesan Deputadu Mariano Asanami hatutan, problema neebe mak governu ida nee hasoru, laos sira nia mesak maibe hotu hotu nian, tan nee atu opozisaun ka governu hotu hotu tenke hamutuk hodi buka solusaun ba problema sira nee.*

Reportajen: Madalena Horta/Domingas Soares
Editor: Ekipa STL

LEAVE A REPLY

Please enter your comment!
Please enter your name here