Kompania Kestiona Seidauk Hetan Pagamentu

DILI, STLNEWS.co – Kompania Kuba Lda, Antonio Soares kestiona pagamentu husi Institutu Nasional Seguransa Sosial (INSS), neebe to’o oras nee seidauk tama iha konta bankaria.

Nia dehan, ohin konfirma Prezidente INSS, maibe prezidente fila kotuk dehan servisu barak.

“Hau ba selu tan iha banku, hau nia empreza traballador sira nia diretu sosial, tanba sa osan la tama hau nia konta bankaria, nee duni husu ba nai ulun sira iha parlamentu, konaba seguransa sosial selu ami, tanba ami servisu governu nian tenke selu mai seguransa sosial, kria konfuzaun boot,” dehan Antonio Soares ba jornalista iha Caicoli, Segunda nee (21/09/2021).

Tuir Antonio, zero guia pagamentu nee tau ordem atu selu, maibe nia dokumentus sira tau fali meza okos, seidauk hetan pagamentu, nee duni husu ba Parlamentu Nasional labele toba dukur iha neeba, tenke haree, tanba emprezariu Timoroan terus, kompania internasional hanesan Plaza, Hotel Turizmu setor uluk nia osan, maibe imi haluha kompania kiik Timoroan sira.

Nia parte husu, liu – liu Vise PM Primeiru i Ministra Solidariedade Sosial Inkluzaun (MSSI), Ana Berta atu kandidata an ba Prezidente Republika ba tinan 2017 to’o 2027 laos buka rekor ba boot deit, maibe haree mos kiik sira, karik nia sai prezidente jere hanesan agora dadaun, nee diak liu lalika ba PR.

Nia dehan, INSS tau atensaun makaas ba emprezariu boot sira, maibe emprezariu kiik Timoroan sira abandona tiha, buka mak setor uluk kompania boot, osan barak.

Iha parte seluk, Restorante Hosan Horacio Guteres hatete, ba negosiante kiik sira tau ba kotuk, maibe kompania boot sira paga uluk.

“Hau koalia malorek, ema fo bursa sira urus lalais, maibe kompania kiik lakohi fo bursa ka buat ruma, entaun sira impede tiha ninia,” dehan Horacio.

Nia dehan, seguransa sosial aloka ba kompania paga nee ketak, lolos nee sasan neebe Covid-19 nian, Konfinamentu Obrigatoriu mak haruka ema nia diretu atu hetan, maibe seguransa da vida ema ida nia seguransa, hela osan oituan nee buat seluk ida, agora iha print out mak dokumentus fo sira halo ema tauk, lakoi sai tiha deit nee ladiak, foin konfirma ba Prezidente INSS.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...