Kompania Kiik Hasoru Problema, SERVE Ho CCI-TL Sei Verifika

DILI, STLNEWS.co – Servisu Rejistu e Verifikasaun Emprezarial (SERVE) hetan orientasaun husi Ministeriu Koordenador Asuntu Ekonomia (MKAE) atu halo levantamentu dadus ba kompania kiik neebe afetadu desde fulan Marsu tinan kotuk mai too agora, nomos kompania kiik neebe foin dadauk sofre ba inundasaun.

Diretor Ezekutivu SERVE, Florencio Sanches hatete, SERVE hetan ona orientasaun husi MKAE, atu halo levantamentu dadus ba kompania kiik sira neebe sofre desde fulan marsu tinan kotuk mai too agora, no mos balun neebe sofre ba inundasaun foin lalais nee, tanba nee SERVE koopera ona ho CCI-TL, no sei liga mos ho Estatal atu nunee parte tolu nee bele servisu hamutuk hodi halo identifika ba kompania kiik sira neebe sofre desde tinan kotuk mai too agora.

“Ami koopera ona ho CCI-TL nomos Estatal atu identifika kompania kiik sira neebe sofre, liu liu iha Marsu tinan kotuk mai too agora, ida nee politika governu nian, nee ita la hatene ajudus saida mak governu atu fo ba kompania kiik sira nee,” dehan Diretor SERVE, Flonrencio Sanches.

Nia afirma hahu husi fulan Marsu tinan kotuk mai too agora, kompania kiik sira nee, balun la lao tanba nee mak MCAE fo autorizasaun ba SERVE atu koopera ho CCI-TL nomos parte Estatal hodi verifika dadus kompania kiik sira nee.

Iha parte seluk, Augosto Alves hanesan emprezariu hatutan, iha situasaun ida agora nee governu tenke tau matan ba kompania neebe kiik, apoiu netik subsidiu atu nunee kompania kiik sira nee labele taka.

“Ita haree dadus husi SERVE hatudu katak, kompania nasional no internasional barak mak taka sira nia atividade, tanba deit laiha rendimentu, tanba nee ami sira neebe sei eziste nee, husu governu atu apoiu iha tempu ida agora,” dehan setor nia.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: