Kompania La Importa Fos; Governu Sei Halo Asaun

Bainhira Kompania Importador sira la importa fos tama mai rai laran, Governu liu husi Centru logistik Nasional (CLN) sei halo asaun hodi importa fos, atu nunee bele asegura aihan ba povu iha Timor Leste. (Foto: Sindangsih)

DILI, STLNEWS.co – Bainhira Kompania Importador sira la importa fos tama mai rai laran, Governu liu husi Centru logistik Nasional (CLN) sei halo asaun hodi importa fos, atu nunee bele asegura aihan ba povu iha Timor Leste.

Prezidente Centru Logistik Nasional (CLN), Augosto Junior Trindade hatete, iha situasaun Covid-19 nee governu deside hatama fos 3000 ton husi rai liur mai, fos nee CLN rai hanesan stok nasional no foin maka halo alokasaun 2 mill toneladas, husi total nee mill toneladas ba MSSI no ba protesaun sivil mill toneladas, stok iha armajen governu sei hela 28 ribu toneladas.

Nia hatutan, karik kompania importador sira la importa ona maka, governu sei hola asaun hodi importa tan fos mai, tanba tuir informasaun katak stok iha armajen kompania importador sira balun hotu ona.

”Hau hanoin stok fos iha armajen governu nian sei hela 28 ribu toneladas, karik halo kalkulasaun ba konsumu nasional maka, ita laiha problema iha fulan tolu ou hat, tanba stok iha armajen governu sei iha, karik kompania importador sira la importa ona fos mai, maka governu sei halo asaun hodi importa mai atu nunee bele asegura povu labele hamlaha,” dehan Prezidente CLN, Augusto Junior Trindade ba STL, iha nia knaar fatin Bebora, Dili, Kinta (14/01/20201).

Nia mos afirma liu tan katak, uluk CLN hatama fos tanba covid invade mundu no lockdown iha nasaun hotu hotu, Vietnam rasik mos lockdown, Thailandia, Cambodia sira nee lockdown hotu nee iha situasaun defisil, setor privadu sira hetan serkular ida taka temporariu importasaun husi rai liur, tanba nee fo biban ba CLN hanesan liman ain estadu nian, foti kedan papel ida katak, TL halo tiha ona akordu ho governu rai liur, katak situasaun ruma akontese kompania importador sira la hatama fos mak, governu sei foti desizaun mediatamente hodi importa fos mai TL.*

Reportajen: Madalena Horta/Jacinta Sequiera
Editora: Carme Ximenes

LEAVE A REPLY

Please enter your comment!
Please enter your name here