Kompania Labele Halimar Presu

Prezidente Camara Comersiu Industria Timor Leste (CCI-TL) Oscar Lima. (Foto: STL/Guilhermina Franco)

DILI, STLNEWS.co – Kompania importador sira labele aproveita situasaun covid hodi hasae folin sasan iha merkadu, tanba situsaun ida agora governu hasoru hela defikuldade boot, tan nee setor privadu tenke kontribui ba prosesu rekuperasaun ekonomia, labele halimar presu.

Kestaun nee fo sai husi Prezidente Camara Comersiu Industria Timor Leste (CCI-TL) Oscar Lima ba STL, Kinta (15/03/2021) iha nia knaar fatin Monte Comoro.

“Hau hanoin iha momentu ida agora setor privadu sira bele hasae folin sasan, tanba ho situasaun covid halo governu hasoru problema oin oin, tan nee atu rekopera ekonomia iha TL mak setor privadu tenke koopera, no governu mos iha kompetensia tomak atu kontrola presu, kompania neebe mak halimar folin tenke fo samada atensaun,” dehan Prezidente CCI-TL, Oscar Lima.

Nia mos afirma liu tan, governu iha knaar tomak atu samada atensaun ba kompania sira neebe gosta halimar presu sasan, tanba atu kontribui ba ekonomia rai laran mak detor privadu kompetensia hola parte iha laran, tan nee labele halimar presu.

Iha parte seluk reprezentante povu iha uma fukun Parlamentu Nasional (PN), Deputadu Alexandrino Cardoso husu ba governu atu kontrola presu nesesidade baziku, tanba komersiante balun komesa joga sasan nia folin iha merkadu.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here