Kompania Nasional & Internasional Kuaze 60 Resin Taka Atividade

DILI, STLNEWS.co – Kada loron kompania nasional no internasional kontinua taka sira nia atividade, kuaze 60 resin maka taka ona sira nia kompania iha rai laran.

“Durante tinan 2020 too ohin loron, AJAR sai hanesan defensor ba rede direitu humanus tanba nee ami kaer kazu ba traballador sira nee hamutuk liu atus rua (200) resin maka lakon sira nia servisu, ema sira nee balun servisu iha kompania konstrusaun, balun servisu ho Xina sira no balun servisu iha super merkadu iha Dili laran, kompania sira nee barak maka taka sira nia atividade, ho razaun la hetan rendimentu susar atu selu traballador sira,” kestaun nee fo sai husi Ofisial Ligasaun Instituisional AJAR, Inocencio Xavier ba STL, Sesta (09/07/2021) iha nia knaar fatin Farol.

Nia mos afirma liu tan katak, razaun kompania nasional no internasional sira taka sira nia atividade tanba deit impase politika neebe lao kuaze tinan hirak nia laran nee seidauk ultrapasa, TL mos hasoru tan fali Covid-19, ida nee halo atividade hotu sai paradu, tanba nee kompania hirak nee laiha osan atu selu importu ba governu no laiha osan atu selu traballador sira neebe servisu iha kompania refere.

Iha parte seluk, reprezentante povu iha uma fukun Parlamentu Nasional, Deputadu Patrocino Fernandes hatutan, kompania sira neebe taka ona sira nia atividade negosiu iha rai laran, dala ruma tanba sira la hetan rendimentu, tanba TL hasoru hela situasaun boot rua neebe akontese iha rai laran, impase ho Covid-19.

“Hau hanoin problema rua nee maka halo kompania sira taka sira nia atividade, tanba laiha rendimentu, projetu laiha, no situsaun covid implika ba rendimemtu, tan nee ameasa kompania sira tenke taka duni,” dehan Deputadu Patrocino.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: