Komunidade Hahu Halerik Ba Aihan

DILI, STLNEWS.co – Governu implementa serka sanitaria (SS) no konfinamentu obrigatoriu (KO) izola ema iha uma, movimentu transporte publiku lalao, impaktu ba komunidade Suku Bahu, Munisipiu Baucau hahu halerik hamlaha, tanba rendimentu laiha.

Tuir Xefe Suku Bahu, Manuel Francisco Rodrigues Gusmão hatete, SS no KO nee halo movimentu transporte publiku lalao, komunidade halerik, oinsa atu halao sira nia atividade negosiu iha merkadu sira. SS diak maibe hamate movimentu komunidade sira nian.

“Konfinamentu obrigatoriu impaktu ba komunidade, tanba sira labele halao atividade negosiu liu-liu produtu lokal neebe komunidade rasik hetan atu distribui ba merkadu mos labele, transporte publiku lalao, rendimentu laiha oinsa atu sustenta familia,” preokupasaun nee hatoo husi Xefe Suku Manuel Francisco ba STL, liu husi via telefone, Sabado (22/05/202).

Nia informa liu tan, osan estadu mos lalao no osan menus iha komunidade nia leet, bele impaktu ba komunidade sira.

Nia hatutan, komunidade mos bele mate hamlaha, tanba produtu lokal hanesan fehuk, lakeru, mostarda, hudi, aidila hodi ba faan atu hetan netik osan hodi sosa fos, maibe atividade paradu ema laiha se maka atu sosa entaun laiha rendimentu.

Manuel dehan, komunidade komesa hamlaha hatoo sira lamentasaun iha suku, maibe nuudar autoridade lokal buka dalan oinsa atu apoiu liu husi proposta sira, atu nunee hatoo ba Prezidente Autoridade para bele hare situasaun neebe komunidade infrenta agora dadaun nee.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: