Komunidade Hatolia Rejeita Programa Sesta Bazika

Foto: STL/Guilhermina Franco

DILI, STLNEWS.co – Komunidade iha Suku Hatolia, Munisipiu Ermera semana kotuk liu ba sira rejeita ka lasimu sesta bazika, tanba kuantidade sasan latoo orsamentu neebe aprova iha Parlamentu Nasional.

Lia hirak nee hatoo husi Deputadu Bankada CNRT Domingos Lemos, liu husi plenaria, Segunda (22/02/2021).

“Komunidade iha Munisipiu Ermera, Suku Hatolia, semana kotuk liu ba sira rejeita ka lasimu sesta baziku tanba ninian kuantidade sasan nee latoo orsamentu neebe maka aprova iha Parlamentu Nasional, sira identifika sasan neebe maka iha nota deit sasan sira nee nia folin hamutuk US$17,” dehan deputadu Domingos.

Deputadu nee husu ba governu haree didiak rezolve, para bele ba distribui fali sasan sesta bazika nee ba komunidade sira.

Problema hirak nee iha fatin hotu-hotu neebe maka ho ninia kuantidade neebe latoo iha orsamentu neebe iha.

“Hau hanoin governu tenke haree didiak ba problema sira nee, iha fatin barak mos hanesan koalia hela deit maibe governu labele foti medidas ruma, maibe husik liu tiha deit,” nia esplika.*

Reportajen: Natalina Lopes
Editora: Carme Ximenes

LEAVE A REPLY

Please enter your comment!
Please enter your name here