Komunidade Hatoo Reklamasaun $100 Ba PN

Sekretariu Komisaun F, Helena Martins. (Foto: STL/Natalina Lopes)

DILI, STLNEWS.co – Komunidade Aldeia Moris Foun, Suku Comoro, Postu Administrativu Don Aleixo, Munisipiu Dili, hatoo preokupasaun ba Komisaun F (PN) kona ba subsisiu $100 neebe sira seidauk simu. Lia hirak nee hatoo husi Sekretariu Komisaun F, Helena Martins ba jornalista sira, iha PN, Dili Segunda (14/12/2020).

“Foin ami simu reklamante husi aldeia Moris Foun, sira mai barak los iha Parlamentu, maibe iha sira nain haat maka ohin reprezentante mai iha nee ami husu dehan katak, sira tama iha lista reklamante ba iha subsidiu $100 ba kada uma kain, entaun loron 15 neebe promete ba sira liu tiha ona, mai tan tiha ona fulan 6,” dehan Deputada Helena.

Nia dehan sira laos diretamente mai iha PN, sira konfirma ona iha autoridade lokal ba iha suku no aldeia maibe iha suku maka laforesposta ba sira, depois sira ba tan iha MSSI iha semana rua antes, maibe iha neeba mos laforesposta ida neebe klaru ba sira.

“Ami sai vitima deit ona ba prosesu pagamentu ida nee no ami hatete tuir deit, sira neebe rejidentis kuaje tinan barak ona, sira duni koalia ho xefe suku Comoro maibe fo resposta ba sira dehan katak, 86 neebe sai dadauk nee sira verbalmente ida-idak ba hasoru MSSI, tanba nee maka ami dehan autoridade lokal ladun iha lina rekordasaun ho ministeriu,” tenik nia.

Iha fatin hanesan, Komunidade Aldeia Moris, Marta Amaral de Jesus dehan, sira too agora seidauk simu osan reklamantes.

“Ho ida nee maka ami ohin mai direita iha uma fukun PN deklara no ezije ba PN, no ba komisaun sira para bele hadia lalais ami nia direitu nee, tanba too agora ami seidauk simu osan $200, no sesta bazika mos ami lahetan neebe ami sai penonton deit, ida nee maka ejizensia ami mai iha PN.” haktuir nia.*

Reportajen: Natalina Lopes
Editora: Carme Ximenes

LEAVE A REPLY

Please enter your comment!
Please enter your name here