Komunidade Kontinua Transfer Sasan Ba Malu

Bainhira komunidade mai husi Munisipiu Ermera, too iha Tasi Tolu (Selamat Datang), sira kontinua transfere sasan ba maluk sira iha Dili. (Foto: STL/Terezinha de Deus)

DILI, STLNEWS.co – Bainhira komunidade mai husi Munisipiu Ermera, too iha Tasi Tolu (Selamat Datang), sira kontinua transfere sasan ba maluk sira iha Dili.

Tuir komunidade Samuel Soares katak, sira mai husi Ermera atu sosa sasan kios nian, maibe sira mai hein deit iha Tasi-Tolu, mak loja lori sasan ba sira sosa hodi fo osan.
“Ami pesan ona ami nia langganan iha loja nee, sira lori sasan mai Tasi-Tolu mak ami sosa deit, ami sosa sasan konaba hahan nian mak barak liu, dehan nia ba STL, iha Tasi-Tolu, Sesta nee.

Nia hatutan, sasan sira neebe sira sosa nia folin normal hanesan babain. No patraun mos prepara ka bungkus hahan ba sira hodi han. Iha munisipiu sasan ema sosa la dun barak hanesan antes nee, tanba ema tauk moras no la lao arbiru. Tanba nee sira mai sosa sasan mos sosa uitoan deit, la sosa barak ida.

Tuir observasaun STL nian katak, iha Tasi-Tolu nakonu ho kareta, balu lori sasan husi Dili sai mai, no balu hein hodi tula sasan lori ba foho.

Nunee servisu seguransa nian kontinua lao, hodi halo passa revista atu ema la liu arbiru husi fatin neeba, no ema neebe iha karta no hetan autorizasaun maka bele liu.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here