Komunidade Samalakuliba Simu Sesta Bazika

Komunidade Aldeia Samalakuliba, suku Buibau, Postu Administrativu Baucau Vila, Munisipiu Baucau, simu aihan sesta bazika husi governu. (Foto: STL/Veronica Varela)

BAUCAU, STLNEWS.co – Komunidade Aldeia Samalakuliba, suku Buibau, Postu Administrativu Baucau Vila, Munisipiu Baucau, simu aihan sesta bazika husi governu.

Jose Soares, hanesan komunidade aldeia Samalakuliba hatete, konaba sasan nia folin komunidade ladun hatene tamba la iha dadus konkreta ba komunidade nia liman ho folin sasan sira nebe prepara husi governu, komunidade la hatene ninia sistemetika nee lao oinsa, tanba sasan nia folin la iha kada item ida, maibe nundar komunidade apoiu husi governu simu.

“Ida nee hanesan sentimentu ida neebe diak governu iha planu neebe diak para atu ajuda komunidade, maibe iha sentimentu ida neebe agora dadauk ami hotu senti katak, ba oin kontinua nafatin hanesan nee maibe presiza halo mudansa ba iha sistema, tanba sistema ida neebe governu uza fahe sasan sira nee, sasan sira nee atu dehan fahe produtu lokal maibe sasan hirak nebe mak aloka mai nee barak mak laos produtu lokal, hanesan mina ho foos nee laos produtu lokal, maibe sasan neebe mak importa signifikan katak ita nia sasan nebe mak sai hanesan produtu lokal hodi tama ba iha sesta basika nee la too ita hateten katak, nee 0% tamba uluk sira simu ho produtu lokal depois de ami simu ikus nee produtu lokal hotu ona.” dehan nia ba STL, iha fatin fahe sesta bazika, Sesta (12/02/202).

Jose hatete, nia parte lasatisfas wainhira atu fahe sesta basika presizamente akompana sira nebe mak hanesan auditoria sira hanesan CAC PDHJ, liu-liu ba jestaun merkadu nian tenke kontrolu ba folin sasan hirak nee maibe neebe mak sira fahe, realidade laiha ema ida, ba aldeia Samalakuliba laiha prevensaun ba sasan nia folin neebe mak kompania sira fahe.

“Ba oin mak sei nafatin ida nee maneira oinsa para halo mudansa ba sistema hanesan iha Dili sira uza bouzer, tanba sa mak ita labele uza bouzer se enkuantu uza bouzer karik sira la dun prokupa hanesan nee, sira balun uza bouzer balun uza kompania ida nee mak iha problema nee hanesan liga ba problema ohin, balun hakarak naan sira nee lori mai oho kedas iha sira nia oin, balun hakarak buat neebe iha nee atu fahe, maibe sasan sira neebe iha nee tuir duni presu merkadoria ga lae, maibe presu sasan merkadoria nee lao oinsa ami la hatene,” katak Jose.

Jose hatutan, nia rasik husu atu hatene sasan sesta bazika nia folin, maibe hatan ba Jose, kompania ho departmentu diresaun nasional mak hatene. Husu ba parte jestaun merkaduria atu kontrola sasan sesta bazika, neebe mak komunidade simu presiza hatene sasan nia folin kada ema ida simu duni $50 nia folin ga lae.

Nia hatete, nundar povu kontribui nafatin governu nia planu implementa programa sesta bazika prontu atu simu, maibe ba oin prezisa hadia molok atu implementa.

Reportajen: ESTV.TO
Editor: Carme Ximenes

LEAVE A REPLY

Please enter your comment!
Please enter your name here