Elizario: Kooperativa Eziste Hamutuk 409

DILI, STLNEWS.co – Kooperativa kreditu neebe estabelese iha rai laran 127 no kooperativa produsaun 282, hamutuk 409 mak estabelese iha Timor Leste.

“Hau hanoin kooperativa produsaun maioria ladun avansa, maibe kooperativa kreditu husi 127 nee, 87 mak ativu diak hodi akomoda kapital boot no fo kampu servisu ba ema 787 neebe mak servisu ona iha kooperativa kreditu,” kestaun nee fo sai husi Sekretariu Estadus Kooperativa (SEKoop), Elizario Ferreira, ba STL iha edifisiu Ministeriu Obras Publika (MOP), Tersa nee (26/07/2022).

Nia hatete, kooperativa sira neebe mak lao sei hakdasak, SEKoop nafatin halo akompanhamentu no nafatin dudu sira atu lao ba oin.

Iha parte seluk, reprezentante povu iha uma fukun Parlamentu Nasional, Deputada Domingas do Santos hatutan, atividade kooperativa nee diak tebes, tanba bele fasilita negosiu kiik sira rai osan no empresta osan.

“Ami iha kooperativa Lanamona neebe lokaliza iha Maliana, ami nia membru barak, no liu husi rai osan no empresta osan bele hadia diak liu tan povu nia moris, liu-liu sira neebe hola parte iha vida negosiu,” dehan deputada nee, hanesan mos fundador ba kooperativa Lanamona.

(mad)

LEAVE A REPLY

Please enter your comment!
Please enter your name here

NEWS UPDATE

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru-Hun, Juvinal da Conceição hatete, nia parte kontenti ba efidisiu foun sede nian neebé inagura ona, maibe fasilidade mak...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...