Kresimentu Ekonomia 2020 Tun 6%

Governador Banku Central Timor-Leste (BCTL), Abrão Vasconcelos. (Dok. STL)

DILI, STLNEWS.co – Kresimentu ekonomia iha Timor-Leste tinan 2020 tun ka queda negativa 6%, tanba iha situasaun COVID-19.

Informa Abrão Vasconcelos nudar Governador Banku Central Timor-Leste (BCTL), iha Audensia Publiku ho komisaun C, PN ho BCTL, BNCTL ho CCFP iha sala plenaria PN Segunda (16/11/2020).

“Proposta OJE ba 2020, hanesan ita hotu hatene ita iha ona fim do 2020, iha Setembru liu ba ami hetan komvite mai esplik iha fatin ida nee, Banku Central hasai katak iha espectation ida atu halo revizaun ba projesaun ba kresimentu ekonomia Timor-Leste nian iha tinan 2020. Projesaun inisial neebe mak banku sentral halo, aprezenta ba deputadu sira hotu iha 2020 nee ita nia ekonomia queda negativu 6%”, katak Governador BCTL.

Nia dehan, informasaun balu neebe mak Banku Central asesu no mos informasaun sira neebe deputadu sira aprezenta iha OJE 2020 no mos OJE 2021, ida nee indika ba divizaun oituan iha nia projesaun ba kresimentu ekonomia iha 2020 emves de negativu 6%, agora nia iha mellhora ba negativi 4.6%. Ida nee sira dehan, atu akontese tanba implementasaun programa lubuk ida neebe mak governu halo liu-liu iha atuasaun COVID-19, ida nee nia impaktu, i Banku Central nota iha duni nia impaktu mezmu ke impaktu ida laboot.

Nia esplika, konserteza depois de informasaun detalladu kuandu iha liu-liu iha quest balance implementasaun kuandu nia dadus iha ninia projersaun nee mos karik sei altera. Enkuantu ba 2021 Banku Central hanesan mos Ministeriu Finansas ho instituisaun internasional sira seluk nia hanoin ba kresimentu ekonomia 3.9%, ida nee iha out put ida kuaze pozitivu.

“Ita koalia kresimentu ekonomia ba Timor-Leste nian 3.9% ka 5%, ida nee karik seidauk sufisiente ho situasaun kroniku iha situasaun sosiu ekonomika neebe iha, hanesan mal nutrisaun no ida seluk tan nee kestaun neebe presiza ita haree,” tenik Abrão.

Nia haktuir, iha 2010 Ministeriu Finansas introdus estudu ida neebe mak hatudu Timor-Leste redus probreza nee, entaun presiza hadia kresimentu ekonomia kada tinan, maibe failla iha tinan barak nia laran husi 2010 mai too 2020 entaun iha tinan 10 nia laran nee lakon. Atu dehan katak karik presiza iha alterasaun oinsa atu aprosima dezenvolvimentu neebe mak promove, ida nee mak Banku Central nota iha proposta 2020-2021, iha akomulasaun ka alterasaun oituan atu oinsa dirije investimentu publiku iha ekonomia.

Tuir Governador nee katak, iha parte inflasaun, Banku Central kontinua laharee iha risku ba potensia presaun inflasaun neebe mak elevadu. Nee laos deit iha 2020 maibe ba mos 2021, Banku Central laharee tanba kontinua.

Ekonomia Amerika neebe mak forte i nia moeda neebe mak forte laiha ameasa ida ba taxa inflasaun iha tinan oin.

Tuir Abrão, presiza hatene katak, situasaun COVID-19 nee iha inserteza boot tebes, i governu presiza nota i evita para labele iha choque supply tanba ida nee bele afeta tanba nee laos fenomena monetariu, labele halo buat ida maibe so bele nota deit.

“Enkuantu ba proposta OJE 2021, ami nota katak ida nee nia espansionariu i nia karater hanesan expansionist. Ida nee ita bele nota, se ita kompara iha 2020 ba 2021 nee haree emtermus de defici publiku, ita haree iha 84 defici publiku iha 2021, ida nee iha aumentu oituan ka elevadu. Neebe banku sentral hanoin katak iha momentu ida hanesan agora inklui hotu 2021 karik 2022 laos Timor-Leste mesak maibe iha nasaun barak mak presiza duni politika fiskal espansionista ida neebe mak propriadu.

Ita presiza duni tanba situasaun inserteza neebe mak nasaun barak hasoru inklui TL, neebe haree iha proposta OJE 2021, nee atu atua ba COVID-19 hanesan iha 2020 nee laiha tiha”, tenik nia.

Nia esplika, nee Banku Central lee, nee hanesan kopi ida husi governu labele konkore informasaun neebe mak moris serteza nee laiha, tanba iha nasaun barak situasaun COVID nee neutral liu ona, neebe iha loron hirak liu ba, haree hahu fali Estadus Unidus ho nivel aas tebes. Entaun Banku Central hanoin katak se situasaun espesifiku hanesan nee eskoilla ba programa neebe apropriadu hanesan espansionista, karik nee nesesariu emtermus oinsa atu atua ba iha populasaun sira neebe laos ba situasaun deit maibe ba mos negosiu.

Tuir nia, iha setor privadu maibe lahatudu iha nivel ida neebe mak espera husi investimentu neebe mak halo entaun presiza Banku Central hanoin katak presiza haree liu fali ba rekoperasaun ekonomia neebe banhira mak implementa, espera bele uza altetasaun ba setor privadu liu-liu iha setor privadu sira.*

Reportajen: Guilhermina Franco/ Domingas Soares
Editor: Ekipa STL

LEAVE A REPLY

Please enter your comment!
Please enter your name here