Kuantidade Vanilli Iha TL Kiik

Kuantidade Vanilli iha Timor Leste (TL) sei kiik, tanba nee husu ba povu agrikultor atu badinas fatin kuda vanilli iha ida idak nia kintal, tanba Cooperativa Cafe Timor prontu atu sosa. (Foto: GSE)

DILI, STLNEWS.co – Kuantidade Vanilli iha Timor Leste (TL) sei kiik, tanba nee husu ba povu agrikultor atu badinas fatin kuda vanilli iha ida idak nia kintal, tanba Cooperativa Cafe Timor prontu atu sosa.

Manajer Cooperativa Cafe Timor (CCT) Sisto M Piedade hatete, kuantidade Vanilli iha rai laran kiik tebes, tanba agrikultor sira foin hahu kuda, tan nee CCT husu ba povu agrikultur sira , atu badinas liu tan ho nunee bele hasae produsaun vanilli iha TL, tanba vanillia ninia valor ekonomia diak.

“Hau hanoin povu agrikultur sira tenke badinas liu tan, hodi hasae produsaun vanilli iha TL, tanba tinan ida nee ami sosa kuaze 11 mill tonelada deit, ta nba vanilli iha Timor la barak maski presu vanilli nee diak, maibe produsaun kiik,” dehan Manajer CCT Sisto M Piedade.

Nia afirma iha tinan 2019 Vanilli folin diak tebes iha merkadu rai laran, kada kilo grama ho presu $ 40 solar too $ 50 solar, maibe iha iha tinan 2020 Vanilli folin tun makas iha merkadu rai laran nomos merkadu rai liur, tan nee maka tinan ida nee CCT hola ho presu $ 15 solar too $20 solar, tanba folin vanilli iha merkadu international tun makas.

“Ita nia agrikultur barak maka preokupa ho presu vanilli neebe tun, maibe ami hanesan kompania exportador labele hasea presu, tanba presu husi merkadu rai liur mos tun,” dehan manajer nee.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here