Labele Uza Tempu Ukun Ba Pasiar, Povu Barak Sei Hela Iha Lona Okos

DILI, STLNEWS.co – Governu labele uza tempu ukun hodi ba pasiar iha Dubai, tanba Expo nee gasta osan boot, serake povu Timor Leste sei hasoru hela situasaun difisil, povu barak sei hela iha lona okos no ekonomia rai laran monu makaas, tanba nee seidauk oportunidade TL atu ba partisipa iha Expo Dubai, tanba Expo nee gasta osan boot.

“Hau hanoin Expo Dubai nee governu TL gasta osan deit, tanba laiha retornu ida husi Expo nee rasik, TL laos nasaun produtor, maibe nasaun dependensia ba importasaun, tanba nee ita triste, dala barak VIII governu koalia konaba halo poupansa labele gasta osan arbiru, maibe realidade sira hasai osan boot hodi ba partisipa iha Expo Dubai, serake povu iha TL barak sei hela iha lona okos, balun sei halerik ba hahan, maibe governu lori osan boot sai ba Expo Dubai ho kontente,” kestaun nee fo sai husi Ofisial Programa iha AJAR Inosencio Xavier ba STL Kuarta nee (15/09/2021) liu husi telefone.

Nia afirma liu tan, politika governu nian establese konfinamentu hodi sulan povu la halo atividade, maibe sira halo viajen ba rai liur lao livre, TL hasoru hela Covid-19, tanba sa osan nee la uza ba hadia sentru saude sira, sosa ai-moruk no hadia povu neebe afetadu ba inundasaun nia uma, tansa mak osan nee tenke lori ba gasta iha Expo neebe laiha retornu ba TL.

Governu dehan, lori produtu TL ba halo promosaun iha Dubai, tanba nee atu husu deit Orsamentu Jeral Estadu (OJE) dezde tinan hirak nia laran, governu produs ona produtu saida, TL so iha kafe deit, maibe governu la dezenvolve halo diak, kafe mos nia produsaun tuun ba beibeik.

Iha parte seluk, Diretor Ezekutivu Luta Hamutuk Jose Alves hatete, situasaun TL la permiti atu TL partisipa iha Expo Dubai, tanba problema barak mak oras nee povu hasoru hela.

“Hau hanoin governu labele gasta osan barak hodi semo ba mai rai liur, tanba agora tama ona ba udan, povu balun neebe foin dadauk sofre ba inundasaun nee sei hela iha lona okos, tanba sa osan nee la hadia kondisaun rai laran, nusa tenke ba liur iha situasaun difisil ida nee,” dehan nia.

Nia hatutan, Expo Dubai atu gasta osan deit, tanba ho situasaun agora ema sei la mai investe iha rai laran, tanba iha kapital Dili sei susar hela bee moos, iha area remotas povu agrikultor labele asesu ba merkadu, kondisaun estrada ladiak, balun seidauk asesu eletrisidade, tansa osan nee la uza ba rezolve problema rai laran, nusa tenke ba Expo Dubai.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: