Laiha Movimentu, Oho Ekonomia

DILI, STLNEWS.co – Servisu e Rejistu Verifikasaun Emprezarial (SERVE) konsidera kauza husi pandemia Covid-19, hodi aplika serka sanitaria (SS) laiha movimentu ema no sasan, nee otomatikamente oho ekonomia.

Tuir Direitor Ezekutivu SERVE, Florencio Sanches dehan, SERVE haree ba ida nee katak, mesmu aplika SS, movimentu ema laiha, maibe hanesan grafiku ida neebe ohin temi, nee hanesan hatudu sinal pozitivu ba ekonomia TL katak, ba oin nee ekonomia TL bele lao diak, haree ba iha programa sesta bazika. Ida seluk asesu ba seguransa sosial, ida nee politiku estadu no governu nian, neebe mak bele ajuda emprezariu sira, se bainhira laiha movimentu sasan no ema, nee otomatikamente oho ekonomia.

“Hau hanoin ho pandemia Covid-19, depois ita aplika tan SS, nee todan tebes, tanba saida mak todan, tanba laiha movimentu ba sasan, ema, no servisu, se movimentu nee laiha, otomatikamente oho ekonomia, maibe dala ida tan ekonomia neebe mak monu, nee hau hanoin laos TL deit, maibe nee iha mundu tomak,” dehan Florencio ba STL iha nia knaar fatin SERVE Hudi-Laran, Dili, Kuarta (09/06/2021).

Iha parte seluk, Reitor Universidade da Paz (UNPAZ), Adolmando Soares Amaral dehan, ekonomia TL ninia kresimentu ekonomia menus husi 6%, nee laos tanba covid-19, maibe iha fator lubuk ida neebe mensiona, buat sira nee hotu bele fo implikasaun ba kresimentu ekonomia agora la sae, agora menus husi 6%.

“Hau nian hanoin ita nian ekonomia monu nee antes tiha ona, laos tanba Covid-19 mak ekonomia nee monu lae, tanba ita nian ekonomia nee monu, nee hahu kedas iha impase politika neebe mak lao ho tempu naruk, depois ita nia lider sira lakohi fo oin ba malu, tanba laiha alternativa, hodi solusiona eleisaun antisipada, depois ita hetan fali dezastre naturais neebe mak fo impaktu inundasaun iha teritoriu, depois ikus liu mak Covid-19 nee,” afirma nia.

Nunee mos Dekanu Fakuldade Sensiais Sosiais Universidade Nasional Timor Leste (UNTL), Camilio Ximenes Almeida hatete, agora iha nasaun barak koalia ona ida nee, nee normal, tanba Covid-19 ida nee afeta hotu iha mundu tomak, entaun ho moras ida nee nasaun hotu nian ekonomia mos lao la stabil.

“Hau hanoin ekonomia iha mundu nee hanesan deit, tanba ita enfrenta hotu moras ida nee desde iha tinan kotuk too mai agora, neebe hau hanoin laos iha TL deit, maibe moras ida nee lao iha mundu tomak,” dehan nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: