Lataka Dalan Modo Husi Munisipiu Mai Dili

DILI, STLNEWS.co – Estabelesementu Serka Sanitaria no konfinamentu obrigatoriu iha kapital Dili nomos munisipiu, la taka dalan ba agrikultur sira atu lori sira nia prodtu lokal mai faan iha nasional ka Dili, tan nee modo mai husi Liquiça ho Ermera tenke halo transferensia iha Tibar, husi Aileu, transferensia iha Manleu Mota Ulun.

“Atu hatoo ba ita nia povu sira katak, iha fulan rua liu ba nee, governu fo autorizasaun ba agrikultur sira husi munisipiu hotu lori modo tama deit mai, maibe haree ba tipu transferensia modo nee hanesan loke fali bazar, hanesan iha Selamat Datang Tasitolu modo bainhira tama mai ema nakonu hanesan bazar, hodi la kumpre ona protukolu OMS nian, tanba nee mak governu halo mudansa, modo bele tama nafatin maibe halo transferensia deit, atu nunee ema hotu bele prevene an husi Covid-19,” dehan Diretora Jerál Agrikultura, Maria Odete do Ceo Guterres, ba STL liu husi telefone, Sabadu (08/05/2021).

Nia katak, modo tenke tama nafatin mai, tanba povu iha kapital Dili presiza atu han modo, maibe husu ba agrikultur sira atu aplika nafatin medidas prevensaun nian.

Iha parte seluk, negosiante Rui de Jesus hateten, semana ida ona modo husi munisipiu ema la autoriza tama mai Dili, la hanesan uluk ema lori tama mai faan iha Tasitolu, agora modo la tama ona, modo futun mos hahu kiik, tanba modo la tama mai.

“Governu dehan fo autorizasaun katak modo husi Ermera ho Liquiça mai tenke para iha Tibar pois halo transferensia, maibe dalan atu sai husi Selamat Datang Tasitolu deit ladiak tiha ona, oinsa langganan atu lori modo mai ami ba simu iha Tibar, sai deit husi Selamat Datang Tasitolu deit ladiak tiha ona,” dehan negosiante nee bainhira dudu hela modo iha karosa hodi lao faan iha Area Tasitolu.

Nia mos husu ba governu, bele halo politika oin oin hodi prevene povu husi moras Covid, maibe labele taka dalan ba .odo husi munisipiu mai, tanba povu kiik nia moris depende ba atividade negosiu kiik sira nee, karik governu taka dalan no la autoriza modo tama mai, mak governu tenke iha politika diak ida fasilita aihan ba povu kiik sira neebe la hetan rendimentu.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...