Leandro: Salariu – Osan Alimentasaun Atraza; Hamosu Espetasaun Publiku

Foto: STL/Guilhermina Franco

DILI, STLNEWS.co – Reprezentante povu iha uma fukun parlamentu nasional, Deputadu Leandro Lobato husi bankada CNRT afirma, relasiona ho salariu inklui osan alimentasasaun neebe maka atraza hamosu espetasaun iha publiku katak osan iha ka lae.

“Hau hakarak liga ho osan salariu nomos osan alimentasaun sira neebe maka sempre atraza, ita haree iha sistema maka failla, ou tanba saida maka ita nia ema sira nee labele hetan sira nia diretu. Agora situasaun sira nee maka hamosu espetasaun iha publiku katak osan iha ka lae, kuandu ita koalia nee ita ho ita fo kulpa ba malu, katak ita boot sira halo rumoris no osan laiha,” dehan nia liu husi plenaria iha PN, Segunda (22/02/2021).

Nia dehan, maibe realidade sira nee maka halo espetasaun ba publiku katak, kuaje osan laiha tanba ema nia diretu sira ita ignora hotu.

“Hau husu ba Governu atu konsidera opiniaun sira neebe husi ami no sujestaun sira neebe leventa atu toma konsiderasaun, atu bele fo diretu ka diretu ema nian selae ita korta tiha dalan ba ukun mais hanesan deit,” tenik nia.

Nia hatutan, maibe iha momentu neebe seidauk ba ukun, dehan ba ukun bele halo buat hotu-hotu maibe haree ba realidade oin seluk.

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here