Lei Lafo Dalan, Falsifika Dokumentus Falsu Martir

Ministru ba Asuntu Kombatentes Libertasaun Nasional, Julio Sarmento da Costa ”Meta Malik". (Foto: STL/Alberto Menezes)

DILI, STLNEWS.co – Lei lafo dalan ba familia neebe larasik atu rezistu ka falsifika dokumentus falsu hodi sai benefisiariu ba martir sira.

Ministru ba Asuntu Kombatentes Libertasaun Nasional, Julio Sarmento da Costa ”Meta Malik” hatete, wainhira iha planu ida atu foti medida ba veteranus nian, dehan katak atu hamosu fundus ida $30 kada fulan ba veteranus sira, wainhira ekipa sira tuun ba baze foti dadus hodi hare identidade propriu nee, hodi justifika nu fim detekta duni ema neebe falsifika dokumentus falsu martir sira nian iha neeba.

“Falsu nee laos katak inventa maibe dalaruma primus rezistu fali tiu nain, bei oan rezistu fila fali avo sira nian, ida nee maka bolu naran falsu, tanba lei lafo dalan tantu primu ka subrinu ou beioan ida atu rezistu fila fali martir sira nudar benefisiariu, so bele deit maka maun alin no inan ho aman rasik no feen ho oan,” kestaun nee Ministru ba Asuntu Kombatentes Libertasaun Nasional Julio Sarmento da Costa ”Meta Malik” hatoo ba jornalista, bainhira remata hasoru malu ho PM Taur Matan Ruak, iha Palasiu Governu, Kinta (25/02/2021).

Ministru nee dehan, lei lapermite tantu subrinu, primu ou beioan ka familia uma lisan ida atu falsifika dokumentus falsu hodi sai benefisiariu ba martir sira nia osan, ida nee labele.

Meta Malik rekonse, los duni tuir informasaun neebe fo sai katak iha servisu asosiasaun balun, lori ona ema neebe maka falsifika dokumentus falsu martir sira nian, atus 5 ba iha tribunal Prokurador Jeral, maibe konaba asuntu ida nee Kombatentes Libertasaun Nasional laiha relasaun ho ida nee.

“Maibe ministeriu mos lafo dalan no lakontribui ba se deit maka atu falsifika dokumentus falsu martir sira nian,” dehan nia.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here